खटाव मिलच्या जागेची अवघ्या १५० कोटींत विक्री!
सकाळ वृत्तसेवा
मुंबई, ता. १७ : बोरिवलीमधील खटाव मिलच्या जागेपैकी काही जागा मुंबई महापालिका आणि म्हाडा यांना सामाजिक उपक्रमांसाठी दिली जाणार होती; मात्र ही जमीन अवघ्या १५० कोटी रुपयांत विकली गेल्याचा गंभीर आरोप शिवसेना (उद्धव बाळासाहेब ठाकरे गटाचे) आमदार सचिन अहिर यांनी केला आहे.
सचिन अहिर यांनी या व्यवहारात पारदर्शकता नसल्याचा आरोप करीत यामध्ये सरकारने मूळ कामगार व सर्वसामान्यांसाठी किती जमीन आणि सुविधा राखून ठेवल्या हे नागरिकांसमोर मांडावे, अशी मागणीही त्यांनी केली.
उद्योगमंत्री उदय सामंत यांनी यावर विधानसभेत उत्तर देताना सांगितले, ‘हा व्यवहार शहरी भूसीमा कायदा, १९७६ अंतर्गत वैध आहे आणि त्यासंदर्भात चौकशी सुरू आहे. म्हाडा या जमिनीवर सुमारे ९०० ते १,००० घरे बांधण्याचा विचार करीत आहे, जी पूर्वीच्या मिल कामगारांसाठी आरक्षित असतील. चौकशी अहवाल आल्यानंतर यावर योग्य ती कारवाई केली जाईल.