Bhivandi News: भिवंडी महापालिका क्षेत्रात पाणीपुरवठा करणाऱ्या स्टेम वॉटर डिस्ट्री अँड इन्फ्रा कंपनी प्रा.लि., ठाणे यांच्याकडून दैनंदिन देखभाल, दुरुस्तीच्या कामाकरिता शुक्रवारी (ता. १९) सकाळी ९ ते शनिवारी (ता. २०) सकाळी ९ वाजेपर्यंत २४ तासांचा शटडाऊन घेण्यात येणार आहे. त्यामुळे भिवंडीला स्टेममार्फत होणारा पाणीपुरवठा बंद राहणार आहे.

त्यानंतर पुढील एक दिवस कमी दाबाने व कमी प्रमाणात पाणीपुरवठा होणार आहे, अशी माहिती पाणीपुरवठा विभागाचे प्रभारी कार्यकारी अभियंता संदीप पटनावर यांनी दिली. त्यामुळे शहरातील ममता टाकी, चाविंद्रा गाव, पटेलनगर, बाला कंपाउंड, फरीदबाग, बारक्या कंपाउंड, संगमपाडा, कचेरी पाडा, ब्राह्मणआळी, कासारआळी यासह अनेक भागांत पाणी येणार नाही.