Murud News: मुरुड तालुक्यातील वळके गावालगतच्या चराटी जंगल परिसरात जळणासाठी लाकडे गोळा करणाऱ्या महिलेवर ठासणीच्या बंदुकीतून गोळी झाडण्यात आली आहे. या हल्ल्यात महिला जखमी असून तिच्यावर शासकीय रुग्णालयात उपचार सुरू आहेत. (murid crime)

वळके गावातील सीमा म्हात्रे (वय ४२) जळणासाठीची लाकडे गोळा करण्यासाठी जंगलात गेल्या होत्या. यावेळी घरी परतत असताना प्रमोद काटकर याने (रा. वळके) बागेतून आंबे चोरल्याचा आरोप करताना वादावादी केली होती. तसेच ठासणीची बंदूक सीमा यांच्या दिशेने रोखत गोळी झाडली होती.(murud news)

या हल्ल्यात सीमा यांना दुखापत झाली असून त्याच्यावर जवळच्या शासकीय रुग्णालयात उपचार सुरू आहेत. याप्रकरणी म्हात्रे यांनी दिलेल्या फिर्यादीवरून याप्रकरणी पोलिसांनी ३०७,५०६,३४ सह शस्त्र अधिनियम १९५९ चे कलम ३ (१) २५, २७ प्रमाणे दोघांना अटक करण्यात आली असून न्यायालयाने आरोपींना १४ मार्चपर्यंत पोलिस कोठडी सुनावली आहे.(kokan mumbai crime)