मुंबई

आधी सणासाठी पैसे दिले; मग कुटूंबालाच वेठबिगारीत अडकविले

सकाळ वृत्तसेवा


भिवंडी : आदिवासी मजुरांची वेठबिगारीची जोखडातून पिळवणूक सुरु असल्याचे विदारक चित्र भिवंडीत समोर आले आहे. श्रमजीवी संघटनेच्या कार्यकर्त्यांनी भिवंडी तालुक्‍यातील अंजूर या गावातील वीटभट्टी मालकाच्या जोखडातून पाच आदिवासी कुटुंबीयांसह तीन मुलांची सुटका करण्यात यश मिळविले. याप्रकरणी नारपोली पोलीस ठाण्यात वीटभट्टी मालकासह त्याचा मुकादम याविरोधात गुन्हा दाखल करण्यात आला आहे. दरम्यान काही दिवसांपूर्वी या वीटभट्टी वरील राहुल पवार याच्या अपघाती मृत्यु बद्दल कुटुंबीयांनी संशय घेतला असुन पोलिसांनी सखोलपणे चौकशी करावी अशी मागणी श्रमजीवी संघटनेच्या वतीने करण्यात आली आहे. 

ही बातमी वाचा ः आधी मैत्रीणीला नेले मीनी-सी शोवर, मग तीला म्हणाले चल घरी जेवायला
गुरूनाथ सवरा, गीता सवरा, वैशाली सवरा, लहु गायकवाड, मंदा गायकवाड आणि त्यांची तीन मुले असे सुटका करण्यात आलेल्या अदिवासी मजूरांची नावे आहेत. वाडा तालुक्‍यातील सिरसाड गावाटेपाडा येथील आदिवासी कातकरी समाजातील हे कुटुंब भिवंडी तालुक्‍यातील अंजूर या गावातील जॉली नाईक याच्या वीटभट्टीवर वेठबिगार म्हणून राबत होते. त्यासाठी जॉली नाईक यांचा मुकादम मधुकर पवार याने या कुटुंबियांना गणपती दिवाळी या सणासाठी 15 हजार रुपये आगाऊ देऊन 10 नोव्हेंबर पासून अंजूर गाव येथील वीटभट्टीवर कामासाठी घेऊन गेला असता वीटभट्टी मालक जॉली नाईक याने आपण तुम्हाला भरपूर आगाऊ रक्कम दिली आहे. त्या बदल्यात तुम्ही माझ्याकडे काम करावयाचे असून त्यासाठी आता अधिक पैसे मिळणार नसल्याचे सांगत त्यांना आपल्या वीटभट्टीवर राबवून घेतले. 

दिवसाला केवळ दोनशे रुपये मजूरी 
श्रमजीवी संघटनेचे पदाधिकारी मोतीराम नामखुडा, गणपत हिलम, हिरामण गुळवी, जयेंद्र गावित यांचाकडे तक्रार जाताच त्यांनी अंजूर गांव येथे जाऊन या वीटभट्टी मजुरांची भेट घेऊन त्यांच्या कडे विचारपूस केली. तेव्हा या कुंटूंबला वेठबिगार म्हणून राबवून घेत मजुरी म्हणून अवघे दोनशे रुपये देत आठ ते दहा तास काम करून त्यांची पिळवणूक करीत असल्याची खात्री झाली. त्या नंतर त्यांनी नारपोली पोलीस ठाण्यात धाव घेऊन सदर घटनेची माहिती देत वीटभट्टी मालक जॉली नाईक व मुकादम मधुकर पवार यांच्या विरोधात गुरूनाथ सवरा यांनी तक्रार दिली. या प्रकरणी पोलिसांनी उपायुक्त राजकुमार शिंदे यांच्या आदेशानुसार दोघांविरोधात भादंवि कलम 323 सह अनुसूचित जाती आणि जमाती अत्याचार प्रतिबंधक अधिनियम 1989 चे 3 [I] [H] , बंध बिगार पद्धती उच्चटन अधिनियम 1976 चे कलम 16, 17, 18 नुसार गुन्हा दाखल केला आहे. या बाबत पोलीस अधिक तपास पोलीस निरीक्षक मालोजी शिंदे करीत आहेत. 
 

 
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Pat Cummins SRH vs RR : डेथ ओव्हरमध्ये कमिन्सचा टेरर! रजवाड्यांची कडवी झुंज मोडून काढत हैदराबादचा नवाबी थाटात विजय

Sharad Pawar on Baramati: बारामती लोकसभेचा निकाल कसा दिसतो? शरद पवार म्हणतात, आजपर्यंत...

Hemant Savara: पालघरचा तिढा अखेर सुटला! हेमंत सावरांना महायुतीकडून उमेदवारी जाहीर

SRH vs RR IPL 2024 : शेवटच्या चेंडूवर भूवीने हैदराबादला मिळवून दिला विजय

Udayanraje Bhosale : साताऱ्यातून उमेदवारी जाहीर करायला भाजपला इतका वेळ का लागला? उदयनराजे भोसलेंनी स्पष्टच सांगितलं; पाहा Exclusive Interview

SCROLL FOR NEXT