मुंबई : परळ येथील वाडिया बाल रुग्णालयाचा वापर कोरोनाबाधित रूग्णांच्या उपचारासाठी करण्यात यावा, अशी मागणी करणाऱ्या जनहित याचिकेवर भूमिका स्पष्ट करण्याचे निर्देश मुंबई उच्च न्यायालयाने राज्य सरकारसह रुग्णालय व्यवस्थापनाला दिले आहेत.

नक्की वाचा : महाविकासआघाडीतल्या मंत्र्यालाच शिवसेनेकडून 'हा' खोचक सल्ला

मुंबईमध्ये कोरोनाचा धोका वाढत आहे आणि उपचारासाठी रुग्णालयांची आवश्यकता आहे. अशावेळी परळ येथील बाई जेरबाई वाडिया रुग्णालय आणि वाडिया मॅटर्निटी रुग्णालय ताब्यात घ्यावे आणि तेथे कोरोनाबाधित रुग्णांचा उपचार सुरु करावा, अशी मागणी करणारी जनहित याचिका अभिनव भारत कॉंग्रेसच्यावतीने पंकज फडणीस यांनी केली आहे. मंगळवारी मुख्य न्यायमूर्ती दिपांकर दत्ता आणि न्या. ए. ए. सय्यद यांच्या खंडपीठापुढे व्हिडिओ कॉन्फरन्सिंगद्वारे याचिकेवर सुनावणी झाली. याचिकेतील मुद्यावर प्रतिवादींची भूमिका स्पष्ट होणे आवश्यक आहे, असे मत खंडपीठाने व्यक्त केले.

महत्वाची बातमी : मुख्यमंत्री कार्यालयाला टॅग करत अमोल कोल्हेंनी राज्य सरकारकडे केली 'ही' मागणी 

राज्य सरकार, मुंबई महापालिका आणि रुग्णालय व्यवस्थापनला नोटीस बजावण्याचे निर्देश न्यायालयाने दिले असून पुढील सुनावणी 22 मे रोजी होणार आहे. तसेच वाडिया रुग्णालय आर्थिक अडचणीमुळे वादात सापडले होते. याबाबत उच्च न्यायालयात याचिकाही प्रलंबित आहेत.

Wadia used for corona treatment? Court directs government to clarify role