सांगली जिल्ह्यातील खानापूर येथून एक धक्कादायक घटना समोर आली आहे. अनैतिक संबंधास अडसर ठरणाऱ्या सहा वर्षाच्या बालकास विहिरीत फेकून दिल्याची धक्कादायक घटना समोर आली आहे. या मुलाच्या अपहरणाचा बनाव आईने केला होता. खानापूर तालुक्यातील लेंगरे गावामधील ही घटना आहे. शौर्य लोंढे या 6 वर्षाच्या चिमूरड्याचा मृतदेह विहिरीत आढळून आला. या घटनेनंतर परिसरात खळबळ उडाली.

रुपेश नामदेव घाडगे असं प्रियकराचं नाव आहे. तर ज्योती प्रकाश लोंढे असे संशयित आरोपी आईचे नावं आहे. रुपेश आणि ज्योती यांच्यात अनैतिक संबंध होते. या घटनेमुळे परिसरातून हळहळ व्यक्त केली जात आहे.

मिळालेल्या माहितीनुसार, अनैतिक संबंधास अडसर ठरणाऱ्या सहा वर्षाच्या मुलाला आईनेच विहरीत फेकून दिल्याचा धक्कादायक प्रकार खानापूर तालुक्यातील लेंगरे गावात समोर आला आहे. मुलाची आई ज्योती लोंढे या विवाहितेचे आणि रूपेश घाडगे या दोघांचे गेल्या काही वर्षापासून अनैतिक प्रेमसंबंध आहेत.

ज्योती हीचे लग्न झाले असून तिला शौर्य हा सहा वर्षाचा मुलगा होता. ज्योती आणि रूपेश या दोघांना लग्न करायचे होते. परंतू या लग्नामध्ये चिमुकल्या शौर्यचा दोघांना अडथळा वाटत होता. त्यामुळे दोघांनी निर्दयपणे या लहान मुलाचा काटा काढायचं ठरवलं. सहा मे रोजी चिमुकल्या शौर्यचे कोणीतरी अपहरण केल्याची फिर्याद तिच्या आईने दिली. तर इकडे रूपेशने शौर्यला दुचाकीवरून नेऊन एका विहिरीत त्याला फेकून दिलं. तक्रार दाखल झाल्यानंतर विटा पोलिस चिमुकल्या शौर्यचा तपास करत होते.

दरम्यान विहिरीत चिमुकल्या शौर्यचा मृतदेह तरंगताना आढळल्यानंतर विटा पोलिसांनी तातडीने तपासाची केला. तपासात ज्योती आणि रूपेश या दोघांच्या अनैतिक प्रेमसंबंधाची माहिती समोर आली. दोघांना ताब्यात घेऊन चौकशी केल्यानंतर त्यांनी शौर्यचा खून केल्याची कबुली दिली. सध्या दोघांनाही पोलिसांनी ताब्यात घेतले असून या घटनेने खानापूर तालुक्यासह सर्वत्र खळबळ उडाली आहे. (Crime News)