पारनेर ः वडझिरे येथे गावठी पिस्तुलातून गोळ्या झाडून महिलेचा खून करणारा प्रमुख आरोपी राहुल साबळे याच्या साथीदारास स्थानिक गुन्हे शाखेच्या पोलिसांनी लोणी मावळा (पुणे) येथून अटक केली.
हेही वाचा - विषय संपला... इंदोरीकरांचा तो व्हिडिअोच सापडेना
सुरेश ऊर्फ नटराज सोन्याबापू मापारी (रा. लोणी मावळा) असे त्याचे नाव आहे. मुख्य आरोपी साबळे याच्या शोधार्थ पथके गेल्याची माहिती सहायक पोलिस निरीक्षक राजेश गवळी यांनी दिली.
वडझिरे येथे 17 फेब्रुवारी रोजी रात्री साडेनऊच्या सुमारास आरोपी साबळे याने गावठी पिस्तुलातून तीन गोळ्या झाडून सविता सुनील गायकवाड (वय 35) यांचा खून केला. या गुन्ह्यातील साबळे याचा साथीदार सुरेश मापारी काल (सोमवारी) रात्री लोणी मावळा परिसरात आल्याची माहिती पोलिसांना मिळाली.
जाणून घ्या - आमदार अौटी म्हणले, मी कसला पळतोय
त्यानुसार पोलिसांनी सापळा रचून लोणी मावळा येथून त्यास ताब्यात घेतले. आरोपी मापारी याने तपासात सांगितले, की जळगाव येथून रजपूत (पूर्ण नाव समजले नाही) याच्याकडून 30 हजार रुपयांना गावठी पिस्तूल आणले.
नगर येथील न्यायालयाने आरोपी मापारी यास सात दिवसांची पोलिस कोठडी सुनावली
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.