विटा : जिल्हाधिकारी यांच्या बंदी आदेशाचे उल्लघंन केल्याप्रकरणी भाजपाचे आमदार गोपीचंद पडळकर यांच्यासह माजी समाजकल्याण सभापती ब्रम्हानंद पडळकर ( दोघे पडळकरवाडी, ता. आटपाडी ), सरपंच सज्जन बाबर ( बाणूरगड, ता. खानापूर ) व निलेश नेताजी बाबर ( खंबाळे भा., ता. खानापूर ) यांच्यावर विटा पोलिसात गुन्हा दाखल करण्यात आला आहे. याबाबत नायब तहसीलदार चेतन रमेश कोनकर ( तहसील कार्यालय, विटा ) यांनी विटा पोलिसात फिर्याद दिली.

पोलिसांनी सांगितले, की १९ जुलै सायंकाळी साडेसहा ते साडेसातच्या सुमारास बाणूरगड येथे बहिर्जी नाईक यांच्या समाधीस्थळी पर्यटन विकास अंतर्गत बहिर्जी नाईक यांच्या स्मारकाचा परिसर विकास व पर्यटन पायाभूत विकासकामाचा प्रारंभाचा कार्यक्रम अंदाजे दीडशे ते एकशे सत्तर लोकांच्या उपस्थितीत करून जिल्हाधिकारी सांगली यांच्या बंदी आदेशाचे उल्लघंन केल्याने वरील चौघांवर गुन्हे दाखल करण्यात आले आहेत.