कोल्हापूर : राज्याच्या मंत्रिमंडळात समावेश व्हावा अशी तीव्र इच्छा शिवसेनेचे आमदार भरत गोगावले यांनी वारंवार बोलून दाखवली आहे. आता पुन्हा एकदा त्यांनी ही सुप्त इच्छा व्यक्त केली आहे. कोल्हापरमध्ये अंबाबाईचं दर्शन घेतल्यानंतर आपण देवीला साकडं घातल्याचं त्यांनी सांगितलं.

तसेच या नव्या वर्षात महिन्याभरात मंत्रिमंडळाचा विस्तार होईल अन् त्यात आपल्याला संधी मिळेल असंही ते यावेळी म्हणाले. (Gods will take care of mu ministrial post says ShivSena Bharat Gogavale)

अंबाबाई इच्छा पूर्ण करेल

गोगावले म्हणाले, "आमच्या मतदारसंघातील लोकांची, कार्यकर्त्यांची कुटुंबियांची सर्वांचीच इच्छा आहे की मला मंत्रिपद मिळावं. असं वाटतंय की या नवीन वर्षामध्ये पहिल्या महिन्यात ती इच्छा पूर्ण होईल असं वाटतं आम्हाला. एकच इच्छा आता आमची राहिलेली आहे, ती अंबाबाई पूर्ण करेल असं वाटतं" (Latest Marathi News)

सर्वजण ताकद लावून इच्छा पूर्ण होईल

यावेळी आमचा प्रवास अजून लांबला, तुळजाभवानीला गेलो, अक्कलकोटला गेलो आणि आता महालक्ष्मीला आलो. आता दोन-तीन देव वाढले, त्यामुळं सर्वजण ताकद लावून ती पण इच्छा पूर्ण होईल असं वाटतंय, अशी आशा यावेळी मीडियाशी बोलताना गोगावले यांनी व्यक्त केली आहे.