चिक्कोडी: प्रांताधिकारी संतोष कामगौडा यांच्याकडे राजीनामा देताना नगराध्यक्षा माधुरी निडगुंदी. शेजारी अन्य.कुडची नगर परिषदेच्या नगराध्यक्षा माधुरी निडगुंदी यांचा राजीनामारायबाग, ता. १२ कुडची नगर परिषदेच्या नगराध्यक्षा माधुरी निडगुंदी यांनी शुक्रवारी (ता. ११) आपल्या पदाचा राजीनामा चिक्कोडीचे प्रांताधिकारी संताष कामगौडा यांच्याकडे दिला.

कुडची नगर परिषदेच एकुण २३ सदस्य आहेत. त्यात काॅंग्रेस १४ तर भाजप ९ असे बलाबल आहे. पालिकेवर काॅंग्रेसचे वर्चस्व असले तरी नगराध्यक्ष पदासाठी एस. सी. असे आरक्षण भाजपने आणले होते. दोन सदस्यांना नगराध्यक्ष पदासाठी प्रत्येकी १५ महिन्याचा कालावधी देण्याचा निर्णय झाला होता. त्यानुसार पहिल्यांदा माधुरी निडगुंदी यांची निवड झाली. दुसऱया टर्मसाठी दत्ता सन्नक्की यांना संधी मिळणार होती. पण ठरल्यानुसार निडगुंदी यांनी राजीनामा देण्यास टाळटाळ केली. तसेच काॅंग्रेसच्या मदतीने अविश्वास ठराव आणण्याच्या हालचालींना वेग आला होता. त्याची दखल घेत भाजपच्या काही नेत्यांनी मध्यस्थी करून राजीनामा देण्यासाठी निडगुंदी यांचे मनःपरिवर्तन केल्याची चर्चा आहे.

नगराध्यक्षांच्या या दिरंगाईबाबत आमदार पी. राजीव यांनीही नाराजी व्यक्त केल्याचे समजते. निडगुंदी यांनी राजीनामा दिल्याने आता दत्ता सन्नक्की यांची नगराध्यक्षपदी निवड निश्चित मानली जात आहे. सन्नक्की हे आमदार पी. राजीव यांचे विश्वासू आहेत. ते तरूण असून शासकीय व कार्यालयीन कामाची माहिती आहे. परिणामी कुडचीसाठी जास्तीत जास्त विकासनिधी मिळून संपूर्ण विकासाला मदत होणार असल्याची चर्चाही आहे. शहराच्या विकासासाठी मतभेद विसरून राजकीय मंडळींनी कामे करण्याची मागणी सर्वसामान्यांतून होत आहे.