कऱ्हाड : सातारा जिल्ह्यात 43 पैकी कऱ्हाड तालुक्‍यात कोरोनाबाधितांची संख्या 31 वर गेली आहे. त्यामुळे सातारा, सांगली, कोल्हापूर जिल्ह्यांत कऱ्हाड तालुका हा कोरोनाचा हॉटस्पॉट झाला आहे. त्यामुळे केंद्रीय पथक चार किंवा पाच मे रोजी कऱ्हाडला भेट देऊन सद्यःस्थितीची पाहणी करणार आहे. त्यासाठी प्रशासन, आरोग्य विभाग आणि पोलिस यंत्रणा अलर्ट झाली आहे.
 
सातारा जिल्ह्यात सद्यःस्थितीत सर्वाधिक 31 कोरोनाबाधित रुग्ण कऱ्हाड तालुक्‍यात आहेत. त्यामध्ये म्हारुगडेवाडी, चरेगाव, बाबरमाची आगाशिवनगर (मलकापूर) व वनवासमाची, कापील, रेठरे बुद्रुक व सांगली जिल्ह्यातील कासेगाव आणि कामेरी येथील रुग्णांचा समावेश आहे. 

शहरापासून काही अंतरावरील ही गावे आहेत. त्यामुळे जिल्हाधिकारी शेखर सिंह यांनी खबरदारी म्हणून 23 एप्रिलपासून कऱ्हाड, मलकापूरसह परिसरातील 12 गावे 100 टक्के लॉकडाउन केली आहेत. शहरात रुग्ण सापडले नसले, तरी येथून जवळच असलेल्या मलकापूर- आगाशिवनगर, वनवासमाची येथील रुग्णांची संख्या वाढतच चालली आहे. त्यात आज आणखी एका रुग्णाची भर पडली आहे. त्यामुळे एकूण बाधित 31 झाले आहेत. त्याचा आढावा घेण्यासाठी केंद्रीय पथक चार किंवा पाच मे रोजी कऱ्हाडला भेट देऊन येथील परिस्थितीची पाहणी करणार आहे. 

घरी रहा सुरक्षित रहा : सातारकरांसह कऱ्हाडकरांसाठी महत्वाची बातमी 

योग्य भाव मिळत नाही तोवर कांद्याची विक्री बंद; शेतकरी ठाम 

कोरोनानंतर पश्‍चिम महाराष्ट्रापुढे हे असेल संभाव्य संकट