अक्कलकोट (सोलापूर) : तालुक्यातील हन्नुर (hunnur) येथील प्रसाद धर्मण्णा हाताळे (वय १७) याचा घरात लाईटचे बटण बंद करत असताना विजेचा धक्का (electric shock) बसून मृत्यू (Died) झाला. ही घटना मंगळवारी हन्नुर येथील राहत्या घरात सकाळी घडली. याची उत्तर पोलिस ठाण्यात नोंद झाली आहे. (a child has died in an electric shock in hunnur)

याबाबत माहिती अशी की, या घटनेतील मृत व्यक्तीचे नाव प्रसाद धर्मण्णा हाताळे (वय १७) असे असून मृत व्यक्ती हा दयानंद महाविद्यालयात बी एससी प्रथम वर्षात शिक्षण घेत होता. सध्या लॉकडाउनमुळे तो अनेक दिवसांपासून मुळ गावातल्या घरीच राहण्यास आला होता. सकाळच्या वेळी प्रसाद घरातील लाईटचे बटन बंद करत असताना अचानक विजेचा धक्का बसल्याने जखमी झाला.

ही माहिती लिंबण्णा सिद्धाराम हाताळे यांना सकाळी शेतात काम करत असताना त्यांचे सख्खे भाऊ प्रवीण हाताळे यांनी फोनवर सांगितले. त्यानंतर जखमी प्रसादला हन्नुर येथे उपचारासाठी दाखवण्यात आले. पण डॉक्टर अक्कलकोटला घेऊन जाण्यास सांगितल्यानंतर अक्कलकोट येथील ग्रामीण रुग्णालयात दाखल केले असता डॉक्टरांनी तपासणी करून मयत घोषित केले. प्रसादच्या पश्चात आई, वडील व एक बहीण असा परिवार आहे. प्रसादच्या मृत्यमुळे गावावर शोककळा पसरली होती. सदर घटनेची माहिती लिंबण्णा सिद्धाराम हाताळे यांनी अक्कलकोट उत्तर पोलिस ठाण्यात दिली आहे. (a child has died in an electric shock in hunnur)