सोलापूरः शहरात लॉकडाउन संपल्यानंतर सम-विषम तारखेनुसार दुकाने उघडण्याचा नियम बाजारपेठेतील अनेक भागात पाळला गेला नाही. त्यामुळे बाजारात सर्वच दुकाने उघडी होताच खरेदी करण्यासाठी नागरिकांची गर्दी व वाहनामुळे ट्रॅफिक जाम असे प्रकार सूरू होते. या प्रकाराची माहिती मिळाल्यानंतर दुपारी पोलिसांनी सम विषम तारखाचे वेळापत्रक अमंलात आणण्यासाठी काही दूकाने बंद करण्यास सुरुवात केली.

हेही वाचाः अपेक्षा... मराठी माणसाच्या जिव्हाळ्याच्या नाट्य चळवळीचा पडदा पुन्हा उघडण्याची ! 

लॉकडाउन उघडल्यानंतर पहिल्या दिवशी केवळ भाजीपाला व किराणा खरेदीची परवानगी दिली होती. आजपासून सम विषम तारखांच्या नियोजनानुसार दुकाने उघडणे अपेक्षित होते. त्या बाबतची स्पष्ट सुचना प्रशासनाकडून व्यापाऱ्यांना मिळाली नव्हती. पण लॉकडाउन पुर्वीची समविषम तारिख नियोजनाचे वेळापत्रक पुन्हा सुरू व्हायला हवे. विजापुर रोडवर काही भागात हे वेळापत्रक पाळून काही दूकाने बंद ठेवण्यात आली. मात्र मधला मारोती मार्केट, कुंभारवेस, पुर्वमंगळवार पेठेसह अनेक भागात दोन्ही बाजुची दुकाने उघडीच होती. सर्वच वस्तु व सेवांची दुकाने उघडी असल्याने मनसोक्त खरेदीसाठी लोक रस्त्यावर आलेले होते. 

हेही वाचाः गाव करील ते राव काय करेल! वाळूजकरांनी केला एैंशी हजारांच्या लोकवगर्णीतून इतक्‍या किलोमिटरचा रस्ता 

त्यामध्ये राखी पोर्णिमेच्या राखी खरेदीसाठी महिलांची काही प्रमाणात गर्दी होती. सोन्या चांदीची दुकाने, किराणा, जनरल वस्तु, ठोक वस्तुचे व्यापारी, दुरुस्तीची दुकाने, रस्त्यावर बसलेले लहान विक्रेते, मिठाई दुकाने, चहा स्टॉल, नाश्‍ता स्टॉल, झेरॉक्‍स आदी सर्वच दुकानावर खरेदी व इतर कामासाठी लोक थांबलेले होते. 
चहा व नाश्‍त्याच्या दुकानांवर मास्क बाजूला ठेवत गप्पा मारत नागरिक चहाचा आनंद घेत होते. ज्या दुकानदारांनी दोरी बांधून सुरक्षीत अंतराची सोय केली होती त्या ठिकाणी सोशल डिस्टन्स पाळला जात होता. ठोक विक्रेत्याकडून माल नेण्यासाठी किरकोळ व्यापारी वाहने लावून दुकानावर गर्दीमध्ये थांबलेले होते. काही ठोक व्यापाऱ्यानी शटर बंद करून केवळ बाहेरच्या टेबलजवळ ग्राहकांना थांबवून मालाची डिलिव्हरी दिली. उत्साहाच्या भरात फिरणारे वाहनचालक, माल वाहने व पादचारी यांच्यामुळे अनेक भागात वाहने गर्दीत अडकत होती. एका वस्तुच्या खरेदीसाठी ग्राहकासोबत दोन ते तीन माणसे दुकानात येत होती. बाजारातील गर्दी वाढत असल्याने दुपारी समविषम तारिख वेळापत्रक अमंलबजावणीसाठी पोलिसांनी दुकाने बंद करण्याची मोहिम हाती घेतली.