सकाळ : राष्ट्रीय विधी सेवा प्राधिकरण नवी दिल्ली व महाराष्ट्र राज्य विधी सेवा प्राधिकरण मुंबई यांच्या निर्देशानुसार शनिवार ता 11 रोजी मोहोळ येथील दिवाणी व फौजदारी न्यायालयात "लोक अदालतीचे" आयोजन करण्यात आले होते. या लोकअदालतीचे उद्घाटन दिवाणी न्यायाधीश एस व्ही ठोंबरे न्यायाधीश पी जी महाळणकर यांच्या हस्ते करण्यात आले.

या लोक अदालतीत एकूण 269 प्रकरणांचा निपटारा करण्यात आला. त्यात 79 प्रकरणे प्रलंबित, 190 दाखल पूर्व प्रकरणांचा समावेश आहे. त्या माध्यमातून दोन कोटी 56 लाख 93 हजार रुपयांची वसुली करण्यात आली.

यावेळी न्यायाधीश ठोंबरे म्हणाले, प्रशासनाने सुरू केलेल्या या लोक अदालतीचा जास्तीत जास्त नागरिकांनी फायदा घ्यावा, आपापसातील सलोखा कायम ठेवून वेळ व पैसा वाचवावा.

यावेळी सहाय्यक गटविकास अधिकारी श्रीनिवास पद्मावार, मोहोळ विधीज्ञ संघाचे उपाध्यक्ष ए व्ही कुलकर्णी, सचिव अॅड गावडे यांच्यासह इतर न्यायालयीन अधिकारी, वकील वर्ग, व कर्मचारी मोठ्या संख्येने उपस्थित होते.