पिंपरी : खातेदाराने जमा केलेले धनादेश खातेदाराच्या खात्यावर जमा न करता दहा लाखांचा अपहार केल्याप्रकरणी जी. एस. महानगर बॅंक भोसरी शाखेच्या संचालक मंडळासह व्यवस्थापकावर गुन्हा दाखल झाला आहे.
व्यवस्थापक अभिजीत कस्तुरे (वय 35, रा. आकुर्डी रेल्वे स्थानकाजवळ, चिंचवड), कुमार मुरलीधर नरवडे (वय 53) यासह महानगर बॅंक भोसरी शाखेचे अध्यक्ष व संचालक मंडळ सदस्य यांच्यावर गुन्हा दाखल आहे. याप्रकरणी बाबासाहेब बाळासाहेब जासूद (रा. कोनार्क नगर, फेज 1, विमाननगर, पुणे) यांनी फिर्याद दिली आहे.
फिर्यादीने सात लाख 25 हजार व दोन लाख 75 हजारांचे दोन धनादेश बॅंकेत जमा केले होते. मात्र, हे धनादेश फिर्यादीच्या खात्यावर जमा न करता परस्पर गायब करून एकूण दहा लाख रूपयांचा अपहार करीत फिर्यादीची फसवणूक करण्यात आली. हा प्रकार 3 ते 5 ऑक्‍टोबर 2016 या कालावधीत जी.एस. महानगर बॅंकेच्या भोसरी शाखेत घडला. या प्रकरणी भोसरी पोलिस ठाण्यात गुन्हा दाखल करण्यात आला असून, अधिक तपास सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.