संदीप सोनार ः सकाळ वृत्तसेवा
काळेवाडी, ता. १० : मागील अनेक वर्षांपासून काळेवाडी पोलिस चौकीतील कर्मचारी आणि तक्रारदार नागरिक अपुऱ्या जागेमुळे त्रस्त आहेत. त्यामुळे पोलिस प्रशासनाकडून तिच्या स्थलांतरासाठी नवीन जागेचा शोध घेतला जात आहे. मात्र, त्यांचा ‘तपास’ अजून अपूर्णच राहिला आहे.
काळेवाडी पोलिस चौकी पूर्वी पिंपरी पोलिस ठाण्याच्या अंकित होती. मात्र, पिंपरी चिंचवड पोलिस आयुक्तालय आणि नवीन पोलिस ठाण्याची निर्मिती झाल्यानंतर तिचा काळेवाडी पोलिस ठाण्याच्या कार्यक्षेत्रात समावेश झाला. परंतु, चौकीतील कर्मचारी आणि नागरिकांच्या समस्या कायम राहिल्या आहेत. काळेवाडीच्या मुख्य रस्ता आणि पाचपीर चौकातील मुख्य बस स्थानकासमोरील ही चौकी आहे. मात्र दुकाने व इतर इमारतींच्या गर्दीत पोलिस चौकी हरविलेली दिसते. नागरिकांच्या नजरेसच लगेच पडत नाही. काळेवाडी - पिंपरी रस्त्यावर प्रचंड रहदारी असल्याने पोलिस कर्मचाऱ्यांना व गुन्हा व तक्रारदार नागरिकांना त्यांची वाहने उभी करता येत नाहीत. काळेवाडीतील मोठी लोकसंख्या पाहता व गुन्ह्याचे प्रमाण बघता चौकीचे स्थलांतर गरजेचे झाले आहे.
आणखी काय आहेत समस्या ?
- एका आठ बाय दहाच्या दुकान वजा जुनी कोठडी एवढीच जागा
- केवळ दोन ते तीन कर्मचाऱ्यांनाच बसणे शक्य
- प्रवेशद्वाराजवळच स्वच्छतागृह, पाण्याची टाकी अनेक वर्षे अस्वच्छ
- पिण्याचे पाणी आणि पुरेसा प्रकाशाचा अभाव
- महिलांना सुरक्षित वाटेल अशा प्रकारचे वातावरण नसणे
काळेवाडी पोलिस चौकीच्या स्थलांतरासाठी यापूर्वी अनेक प्रयत्न झाले. परंतु त्यासाठी लागणारी जागा मिळत नाही. याअगोदर रहाटणी येथे एक जागा निश्चित करण्यात आली होती. परंतु जागेच्या कायदेशीर बाबींमुळे ती जागा निश्चित करण्यात आली नाही. चौकीच्या नवीन जागेसाठी आयुक्तालयाकडे पाठपुरावा केला जाईल.
- राजेंद्र बहिरट, वरिष्ठ पोलिस निरीक्षक, काळेवाडी पोलिस ठाणे
SVW25A00046
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.