मंचर - अवसरी खुर्द (ता.आंबेगाव) येथे गेल्या पंधरा दिवसात ५२ जण कोविड पँझिटीव्ह आले आहेत.कोरोनाचा उद्रेक झाल्याने  खबरदारीचा उपाय म्हणून मंगळवार (ता. २२) ते शुक्रवार (ता. २५) पर्यंत गावकऱ्यांनीच पुढाकार घेऊन गाव  बंद ठेवण्याचा निर्णय घेतला आहे.बंदला १०० टक्के प्रतिसाद मिळाला. अशी माहिती ग्रामविकास अधिकारी आर. टी. गाढवे व प्रशासक रंगनाथ हुजरे यांनी दिली.

पुण्यात महिलेची पावणेचार लाखांची फसवणूक; अशी टाळा फसवणूक

गुरुवारी (ता. २४) भरणारा आठवडे बाजारही बंद राहणार आहे.अत्यावश्यक सेवा सुरु राहतील. ग्रामपंचायतीच्या वतीने कोविड साथीपासून बचाव होण्यासाठी जनजागृतीचे काम सुरु झाले आहे. सर्वेक्षणाचे कामही अंतिम टप्प्यात आहे. नागरिकांनी काळजी घ्यावी.मास्क, सँनिटायझर, सोशल डीस्टन्सचा वापर करावा. विनाकारण गावात येऊ नये. असे आवाहन गाढवे यांनी केले आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

दरम्यान आंबेगाव तालुक्याच्या पूर्व भागातील अनेक गावात करुणा बाधित रुग्णांची संख्या दिवसेंदिवस वाढत चालली आहे. मास्क चा वापर न करता प्रवास करणाऱ्यांची संख्या वाढली आहे. विविधकार्यक्रमातही गर्दी वाढू लागली आहे. सोशल डिस्टन्स नियमाचा पुरता बोजवारा उडाला आहे. त्यामुळेच कोरोना ने धुमाकूळघालण्यास सुरुवात केली आहे. प्रशासनाने क** पावले उचलावीत अशी मागणी नागरिकांकडून केली जात आहे.

Edited By - Prashant Patil