पुणे : पुणे जिल्ह्यात शुक्रवारी (ता.२१) दिवसभरात १६ हजार ६१८ नवे कोरोना रुग्ण आढळून आले आहेत. दिवसभरात १० हजार १७७ जणांनी कोरोनावर मात केली आहे. अन्य दहा रुग्णांचा कोरोनाने मृत्यू झाला आहे. दिवसातील एकूण मृत्यूमध्ये पुणे शहरातील चार मृत्यू आहेत.

दिवसातील जिल्ह्यातील एकूण नवीन कोरोना रुग्णांमध्ये पुणे शहरातील सर्वाधिक ८ हजार ३०१ नवे रुग्ण आहेत. पिंपरी चिंचवडमध्ये ५ हजार १८२, जिल्हा परिषद कार्यक्षेत्रात २ हजार २८९, नगरपालिका हद्दीत ५८० आणि कॅंटोन्मेंट बोर्ड क्षेत्रात २६६ नवे रुग्ण सापडले आहेत. एकूण कोरोनामुक्तांमध्ये शहरातील सर्वाधिक ५ हजार ४०० जण आहेत. पिंपरी चिंचवडमधील २ हजार ५६६, जिल्हा परिषद कार्यक्षेत्रातील १ हजार ३८९, नगरपालिका हद्दीतील ३४३ आणि कॅंटोन्मेंट बोर्ड क्षेत्रातील ३९९ जणांनी कोरोनावर मात केली आहे.

जिल्ह्यातील एकूण मृत्यूमध्ये शहरातील चार मृत्यूबरोबरच पिंपरी चिंचवड व कॅंटोन्मेंट बोर्ड क्षेत्रातील प्रत्येकी दोन आणि नगरपालिका व जिल्हा परिषद कार्यक्षेत्रातील प्रत्येकी एक मृत्यू आहे. सद्यःस्थितीत जिल्ह्यातील एकूण सक्रिय कोरोना रुग्णांची संख्या ८५ हजार २७७ इतकी आहे. एकूण सक्रिय कोरोना रुग्णांपैकी शहर व जिल्ह्यातील विविध रुग्णांलयात २ हजार ७८६ जणांवर उपचार सुरु आहेत. उर्वरित ८२ हजार ४९१ जण गृहविलगीकरणात आहेत.