भाजपविरोधात बंड! उत्पल पर्रिकर पणजीतूनच लढणार मात्र 'अपक्ष'

पणजी : भाजप(BJP) ने गोवा विधानसभा निवडणुकीसाठी ३४ जागांसाठी उमेदवारांची यादी जाहीर केली आहे. मात्र, उत्पल पर्रीकर (Utpal Parrikar) यांना तिकीट देण्यात आलं नाही, दरम्यान आता उत्पल पर्रीकर हे पणजी येथून अपक्ष म्हणून निवडणूक रिंगणात उतरणार आहेत.(Utpal Parrikar News)

सध्या गोव्यातील राजकीय वातावरण चांगलेच तापले असून गोव्यातील दिवंगत नेते मनोहर पर्रीकर (Manohar Parrikar) यांचे पुत्र उत्पल पर्रीकर (Utpal Parrikar) यांना भाजपने तिकीट नाकारलं त्यांना अरविंद केजरीवाल यांनी ऑफर दिलीली ऑफर ते स्विकारतील का या चर्चेला पुर्णविराम देत त्यांनी अपक्ष लढण्याचा निर्णय जाहिर केला आहे.

दिल्लीत सत्तेत असलेला आम आदमी पक्षाने (APP) गोव्याच्या राजकारणात पाऊल ठेवले निवडणूकीची जोरदार तयारी सुरु केली आहे, उत्पल आपमध्ये आल्यास त्यांचं स्वागत आहे, अशी खुली ऑफर केजरीवालांनी दिली होती मात्र ती ऑफर नाकारुन उत्पल यांनी पणजी मतदार संघातून अपक्ष उमेद्वार म्हणून निवडणूक लढवण्याचा निर्णय घेतला आहे.(Utpal Parrikar News)