पारगाव: मेंगडेवाडी ता. आंबेगाव येथील रणपिसे कुटुंबियांकडून निरगुडसर विविध कार्यकारी सेवा सोसायटीचे माजी अध्यक्ष देवराम बाळाजी रणपिसे यांच्या निधनानंतर जलप्रदूषण टाळण्यासाठी रक्षा पाण्यामध्ये विसर्जित न करता खड्डय़ात विसर्जित करून, त्यामध्ये २५० रोपांचे वृक्षारोपण करून समाजापुढे आदर्श निर्माण केला आहे.
वटवृक्ष मेंगडेवाडी-एक हरीत चळवळ या ग्रुप अंतर्गत मुक्तादेवी मंदिराजवळील गण्या डोंगरावर होणार्या वृक्षारोपण कार्यक्रमामध्ये देवराम बाळाजी रणपिसे यांच्या स्मरणार्थ २५० रोपांचे वृक्षारोपण करून हरीत श्रद्धांजली अर्पण करण्यात आली. यामध्ये प्रामुख्याने वड, पिंपळ, चिंच, आंबा व जांभूळ ही देशी रोपे लावण्यात आली.
त्यामध्ये स्मशानभुमी, मराठी शाळा, गावातील विविध चौकामध्ये व श्री गण्या डोंगर परिसरात वृक्षारोपण करण्यात आले. ही झाडे भविष्यात नेहमीच आमच्या वडीलांच्या स्मृतींना उजाळा देतील अशी भावना त्यांचा मुलगा व वटवृक्ष
मेंगडेवाडी ग्रुप चालविणारे सागर देवराम रणपिसे यांनी व्यक्त केली. याप्रसंगी त्यांच्या मुली, जावई, सुन, पुतणे व नातवंडे उपस्थित होते. वृक्ष संवर्धनासाठी लागणाऱ्या ठिबक, संरक्षक जाळीचा खर्च त्यांच्या कुटुंबियांकडून करण्यात आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.