खडकवासला : कोरोना विषाणू संसर्गजन्य आजार झपाटयाने पसरत शक्यता असल्याने सिंहगड, पाचगाव- पर्वती, हिंगणे, भांबुर्डा वन उद्यानामध्ये मोठया प्रमाणावर पर्यटक, शिवप्रेमी, गडप्रेमी, व्यायामासाठी येत असतात. त्या सर्वांना पुढील आदेश येईपर्यंत सर्वांना बंदी घातली आहे. असे पत्र सहायक उपवनसंरक्षक संजय कडू यांनी आज एक प्रसिध्द करून जाहीर केले आहे. 

आता बातम्या ऐकण्यासाठी डाऊनलोड करा ई-सकाळचे ऍप 

कोरोनाचा संसर्ग वाढू नये. त्यावर प्रतिबंधात्मक उपाययोजना म्हणून ही वन विभागाने बंदी घातली आहे. सिंहगडावर पर्यटक मोठ्या प्रमाणात येत असतात. कोरोना विषाणूच्या प्रादुर्भाव झाल्यानंतर पर्यटकांच्या संख्येत घट झालेली आहे. परंतु संसर्गापासून प्रतिबंधात्मक उपाययोजना व नियंत्रण करणेसाठी शासनाच्या अधिसूचनेनुसार पूर्ण बंदी असल्यावर संसर्ग वाढणार नाही. म्हणून मंगळवार (ता. 17) आजपासून वन विभागाच्या हद्दीतील सर्व वन उद्यानात व सिंहगडावर सर्व प्रकारच्या पर्यटकांना दि.३१ मार्च २०२०पर्यंत प्रवेश दिला जाणार नाही. सिंहगडावर जाणाऱ्या डोणजे गोळेवाडी व कोंढणपूर मोरदरी मार्गे येणाऱ्या वाहने गडावर सोडली जाणार नाहीत. 

Coronavirus: पुण्यात आजपासून तीन दिवस व्यापार बंद 

सिंहगडावर रविवारी, शनिवार, गुरुवारी आतकरवाडीतून व्यायामासाठी जाणाऱ्यांची संख्या मोठी आहे. तसेच पायी जाणाऱ्या पर्यटकांना देखील याबाबत आवाहन केले आहे. या दरम्यान, गडावरील सर्व प्रकारच्या खाद्य पदार्थ विक्रेत्यांनी हॉटेल दुकाने बंद ठेवण्यास सांगितले आहे. असे ही भांबुर्डाचे वन परिक्षेत्र अधिकारी दीपक पवार यांनी सकाळशी बोलताना सांगितले.