धायरी - रविवारी झालेल्या भांडणातून बांधकाम मजुराच्या डोक्यात सिफोरेक्स ब्रिक्स ही वीट मारुन त्यास जखमी करुन त्याचा खून करण्यात आला. खुनी सुध्दा बांधकाम मजूर असून पळून गेला. आज दुपारी ३ पूर्वी सिंहगड रोडवर नांदेड सिटीच्या अलीकडे सर्व्हे नं. ३७ येथील बांधकामाच्या ठिकाणी ही दुर्घटना झाली.

पिंटु गौतम दास (वय-२८ वर्ष, सध्या रा. बांधकामाच्या ठिकाणी, मूळगाव-हिल्ली पुर्बा अप्तर, थाना/तहसिल हिल्ली, जि. दक्षिण दिनाजपुर, पश्चिम बंगाल ) असे खून झालेल्याचे नाव असून एजाज उल महंमद हसिब आलम (मूळगाव बिहार राज्य) याच्यावर खुनाचा गुन्हा नोंदविण्यात आला आहे.

चंद्रकात देडगे यांच्या बिल्डींग बांधकामावरील ५ व्या मजल्यावर एजाज याने पिंटू याच्या डोक्यात वीटांनी घाव घातले.‌ १० तारखेला दोघांची काही कारणाने भांडणे झाली होती.

पिंटू याचा भाऊ छोटु गौतम दास (वय-२३ वर्षे, धंदा-मजुरी, रा. सध्या वानवडी) याने याबाबत फिर्याद केली असून सिंहगड रोड पोलीस तपास करत आहेत.