Corona Vaccination
Corona Vaccination file photo
पुणे

पुण्यात लसीकरण बंद; राज्य सरकारकडून लशीचा पुरवठा नाही

सूरज यादव

राज्य सरकारकडून लशीचा पुरवठा न झाल्याने शुक्रवारी लसीकरण बंद ठेवण्याची वेळ महापालिकेवर आली आहे.

पुणे - पुण्यात (Pune) कोरोना रुग्णांची (Coronavirus) संख्या कमी होत असल्याचं दिलासादायक चित्र आहे. दरम्यान, दुसऱ्या बाजुला कोरोना प्रतिबंधक लसीकरण (Covid 19 vaccination) मोहिमेत मात्र सातत्यानं अडथळा येत आहे. शुक्रवारी पुन्हा एकदा पुण्यातील लसीकरण बंद राहणार आहे. राज्य सरकारकडून (Maharashtra Government) लशीचा पुरवठा न झाल्याने शुक्रवारी लसीकरण बंद ठेवण्याची वेळ महापालिकेवर आली आहे. त्यामुळे दोन दिवस सुरू असलेले लसीकरण पुन्हा बंद राहणार आहे. (covid 19 vaccination stopped on friday due to no vaccine supply from state)

गेल्या आठवड्यातही महापालिकेला लसीचा पुरवठा होऊ शकला नव्हता. त्यामुळे सुमारे तीन दिवस लसीकरण बंद ठेवावे लागले होते. मंगळवारी रात्री राज्य सरकारकडून केवळ साडेसात हजार लसींचा पुरवठा महापालिकेला करण्यात आला. त्यामुळे बुधवारी आणि गुरुवार या दोन दिवस लसीकरण होऊ शकले. त्यामुळे पुन्हा लसीचा पुरवठा होईल, अशी अपेक्षा होती. मात्र, राज्य सरकारकडून महापालिकेला गुरुवारी लस उपलब्ध होऊ शकली नाही. त्यामुळे शुक्रवारी लसीकरण बंद ठेवण्याची वेळ महापालिकेवर आली आहे. दरम्यान, बुधवारी शिल्लक राहिलेल्या डोसमधून गुरुवारी दिवसभर लसीकरण करण्यात आले.

पुणे शहरातील नवीन कोरोना रुग्णांची संख्या गुरुवारी (ता.२०) आठवड्यात दुसऱ्यांदा तीन आकडी झाली आहे. शहरात ९३१ नवे कोरोना रुग्ण आढळून आले आहेत. याआधी सोमवारी (१७ मे) ६८४ नवे रुग्ण आढळून आले होते. कोरोनाच्या दुसऱ्या लाटेत आतापर्यंत फक्त दोन वेळाच नवीन रुग्णांची आकडेवारी एक हजारांच्या आत आली आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Sushma Andhare: सुषमा अंधारेंना घ्यायला आलेलं हेलिकॉप्टर क्रॅश, कारण अस्पष्ट

Trucks Carrying Cash: चार ट्रक, हजारो कोटींच्या मळलेल्या नोटा अन् पोलीस; वाचा चित्रपटालाही लाजवेल असे थरारनाट्य

Share Market Opening: आठवड्याच्या शेवटच्या दिवशी शेअर बाजाराची जोरदार सुरुवात; निफ्टी नवीन विक्रमी उच्चांकावर

Freedom At Midnight: 'फ्रिडम एट मिडनाइट' चा फर्स्ट लूक आऊट; जवाहरलाल नेहरूंच्या भूमिकेत 'हा'अभिनेता

Covaxin: कोव्हिशिल्डच्या गोंधळानंतर कोव्हॅक्सिन बनवणाऱ्या भारत बायोटेकचा मोठा दावा, वाचा काय म्हणाली कंपनी

SCROLL FOR NEXT