पुणे : सिरम इन्सिट्युट ऑफ इंडिया या औषध उत्पादक कंपनीचे चेअरमन सायरस पुनावाला यांना हृदयविकाराचा झटका आल्याचं वृत्त आहे. त्यांच्यावर पुण्यातील रुबी हॉस्पिटलमध्ये उपचार सुरु असून त्यांच्यावर अँजिओप्लास्टी करण्यात आली आहे. सध्या त्यांची प्रकृती स्थिर आहे. इंडियन एक्स्प्रेसनं याबाबत वृत्त दिलं आहे. (Cyrus Poonawalla SII Chairman suffered heart attack treatment undergo in Ruby Hall Clinic Pune)

पुनावालांची प्रकृती स्थिर

सायरस पुनावाला (वय ८२) यांच्यावर आम्ही अँजिओप्लास्टी केली आहे, सध्या त्यांची प्रकृती स्थिर आहे. काही दिवसांत त्यांना डिस्चार्ज देण्यात येईल, अशी माहिती प्रसिद्ध कार्डियॉलॉजिस्ट डॉ. परवेझ ग्रँट यांनी दिली. तसेच रुबी हॉलचे कॅथलॅब इन्चार्ज डॉ. सी. एन. मखाले यांनी सांगितलं की, पुनावाला यांना सध्या आयसीयूमध्ये ठेवण्यात आलं असून ते उपचारांना चांगला प्रतिसाद देत आहेत. तसेच ते यातून लवकर रिकव्हर होत आहेत, अशी माहिती रुबी हॉल क्लिनिकचे सल्लागार अली दारुवाला यांनी दिली. (Latest Marathi News)

अँजिओप्लास्टी झाली

तसेच डॉ. परवेज ग्रँट यांच्या मार्गदर्शनाखाली सायरस पुनावाला यांच्यावर अँजिओप्लाटी करण्यात आल्याची माहिती डॉ. मखाले आणि डॉ. अभिजीत खडतरे यांनी इंडियन एक्स्प्रेसशी बोलताना दिली.