पुणे - मराठा आरक्षण स्थगितीच्या पार्श्वभूमीवर 11 ऑक्‍टोबर, 1 नोव्हेंबर आणि 22 नोव्हेंबर रोजी होणारी महाराष्ट्र लोकसेवा आयोगाची (एमपीएससी) परीक्षा पुढे ढकलावी व उमेदवारांची वयोमर्यादा वाढवावी, अशी मागणी "मराठा विद्यार्थी परिषदे'ने आज पत्रकार परिषदेत केली आहे. आमदार विनायक मेटे यावेळी उपस्थित होते.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

कोरोनाच्या संकटामुळे एप्रिल आणि सप्टेंबरमध्ये होणा-या एमपीएससीच्या परीक्षा पुढे ढकलण्यात आल्या आहेत. सद्यपरिस्थितीत कोरोनाचा प्रादुर्भाव कमी न होता दिवसेंदिवस वाढत चालला आहे. खेड्यापाड्यापर्यंत हे लोण पसरलेले आहे. स्पर्धा परीक्षा देऊ इच्छिणा-या विद्यार्थ्यांच्या कुटुंबातील सदस्य व अनेक विद्यार्थीही कोरोना ग्रस्त असल्याने त्यांना अभ्यास करून देखील परीक्षा देणे शक्‍य होणार नाही. मराठा समाजातील लाखो विद्यार्थ्यांच्या प्रश्नाकडे सरकारने दुर्लक्ष केल्यास आम्हा विद्यार्थ्यांना रस्त्यावर उतरावे लागेल. त्यामुळे सरकारने या परीक्षा पुढे ढकलाव्यात, अशी मागणी मेटे यांनी केली. परिषदेला अनुप देशमुख, परम बिराजदार, अर्चना पाटील, विक्रम गायकवाड आणि पूजा झोळे उपस्थित होते.

खासदार अमोल कोल्हे यांच्या कार्यालयासमोर उतरले मराठा क्रांती मोर्चाचे आंदोलक

नेमकी काळजी कोणाची ?
एमपीएससी परीक्षा देणा-या विद्यार्थ्यांमध्ये ग्रामीण भागातील अभ्यास करणा-यांचे प्रमाण मोठे आहे. हे विद्यार्थी ऑनलाइन पद्धतीने अभ्यास करू शकलेले नाहीत. यूपीएससी परीक्षेला सुमारे 35 टक्के विद्यार्थी हजरच झाले नाहीत. तशीच परिस्थिती आता होऊ शकते. मराठा समाजातील जे नेते ही परीक्षा होऊ द्यावी, असे म्हणतात त्यांना आमचे भविष्य खराब करायचे आहे का? आमच्या भविष्यापेक्षा त्यांना क्‍लासेसवाल्यांची? इतर समाजाची? की सरकारची काळजी आहे का? हे स्पष्ट करावे, असे मेटे म्हणाले.

Edited By - Prashant Patil