पुणे - कोथरूडमधील मोठ्या समजल्या जाणाऱ्या स्वप्नशिल्प, हिमाली आणि करिष्मा सोसायटीने घरेलू कामगारांना पुरेशी खबरदारी घेऊन त्यांची प्रवेशद्वारे खुली केली आहेत. त्यामुळे किमान तीन सोसायट्यांमधूनच ६५० हून अधिक घरेलू कामगारांना पुन्हा रोजगार मिळाला आहे.
कोरोनाच्या लॉकडाउनमुळे शहर आणि परिसरातील सुमारे दोन लाख घरेलू कामगार अडचणीत आले आहेत. या असंघटित कामगारांमध्ये प्रामुख्याने घरेलू कामगारांचा समावेश आहे. तसेच चालक, गाड्या धुणारे, बागकाम करणाऱ्यांचाही त्यात समावेश आहे. महापालिका तसेच कामगार आयुक्त कार्यालयाने घरेलू कामगारांना कामावर जाण्यास हरकत नाही, असे स्पष्ट केल्यावरही अनेक सोसायट्यांनी त्यांना प्रवेशद्वारे खुली केलेली नाहीत. मात्र, कोथरूडमधील या तीन प्रमुख सोसायट्यांनी खबरदारी घेऊन आणि स्वतःची आचारसंहिता तयार करून घरेलू कामगारांना प्रवेश दिला आहे.
मात्र, पुणे जिल्हा घरकामगार संघटनेच्या अध्यक्षा किरण मोघे यांनी सांगितले की, कामावर जाण्यासाठी संबंधित महिला तयार आहेत आणि काम देणारीही महिला तयार आहे, मात्र सोसायटी त्यात अडसर ठरत आहे. मात्र, घरेलू कामगार या झोपडपट्टीतून येतात, त्या एकाच दिवशी अनेक ठिकाणी काम करतात, त्यांच्यापासून धोका आहे, असे म्हणत काही सोसायट्यांनी त्यांना प्रवेश दिलेला नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.