भुकूम : कोरोनामुळे अंतविधी, दशक्रिया, तेरावा विधीसाठी गर्दी करू नये यासाठी आवाहन करण्यात आले आहे. दरम्यान सध्या दशक्रिया विधीला प्रवचन ठेवून दोन तिनशे लोक जमत आहेत. यामुळे कोरोना संसर्गाचा धोका वाढण्याची भिती आहे.

- पुण्याच्या बातम्या वाचण्यासाठी येथे ► क्लिक करा 

मुळशी तालुक्यातील मोठ्या गावातून दररोज कोरोना रूग्ण सापडत आहेत. तसेच पश्चिम भागातील लहान गावातही रूग्ण सापडले आहेत. तालुक्यातील कोरोना रूग्णसंख्या 2277 पर्यंत पोहचली असून, 64 जणांचा मृत्यू झाला आहे. 

अशा परिस्थितीत दशक्रिया विधीला प्रवचन ठेवून गर्दी होत असल्याने धोका अधिक वाढत आहे. घरातील व्यक्तीचे निधन झाल्यामुळे दशक्रिया विधीस तालुक्यातील व नातेवाईक सर्वांनी यावे अशी अपेक्षा धरली जाते. त्या व्यक्तीच्या आयुष्यातील शेवटचे कार्य तसेच दशक्रिया विधीस मोठी गर्दी म्हणजे मोठेपण ही भावना जपली जात आहे.

डीएसके प्रकरण : उलाढालीचा रिपोर्ट अडकला लालफितीत; तपास यंत्रणेकडून दिरंगाई

दरम्यान, त्यामुळे तालुक्यातील मान्यवरांना, परिसरातील ग्रामस्थांना व नातेवाईकांना फोन करून आवर्जून उपस्थितीचे निमंत्रण दिले जाऊ लागले आहे. फोन आल्यामुळे उपस्थित राहण्याची गरज आहे म्हणून अनेकजण हजेरी लावत आहे. त्यातच प्रवचन ठेवून भाषणे होऊ लागले आहेत. कोरोनाचा धोका कायम आहे.

- आईसोबत बोलत थांबलेल्या तरुणावर हल्ला; तिघांनी लोखंडी सळईने केले वार​

प्रशासन,  प्रसिध्दी माध्यमातून आवाहन करण्यात येत असले तरी लोक ऐकत नाहीत. त्यातच मास्क न वापरणे, सो़शल डिस्टन्सिंग न ठेवणे असे प्रकार होत आहेत. आत्तापर्यंत धार्मिक विधींसाठी नियम पाळत होते. दरम्यान तालुक्यातील मोठ्या गावातून कार्यक्रमाचे असे प्रकार सुरू झाले आहेत.  अशा व्यक्तींवर काही कार्यवाही करण्याची निश्चित गरज आहे.

(संपादन : सागर दिलीपराव शेलार)