पुणे : पेरुचा भाव कमी न केल्याच्या रागातून एकाने पेरू विक्रेत्यावर चाकूने वार केला. ही घटना बुधवारी दुपारी एक वाजण्याच्या सुमारास खराडी बायपास रस्त्यावर घडली. या बाबत मयूर खुरंगळ याच्यावर गुन्हा दाखल करण्यात आला आहे.
प्रशांत कल्याण जाधव (वय 30, रा. मांजरी बुद्रूक) असे जखमी झालेल्याचे नाव आहे. या प्रकरणी सुरेश शिंदे (वय 42) यांनी चंदननगर पोलिस ठाण्यात फिर्याद दिली. पोलिसांनी दिलेल्या माहितीनुसार, प्रशांत हे दररोज खराडी बायपास परिसरात सायकलवर पेरूची विक्री करतात.
भारतीय कलाकारांना नाचवून तो भारतविरोधी कारवायांनाच करायचा फंडिंग
बुधवारी दुपारी ते खराडी बायपास रस्त्यावर असलेल्या डॉमीनोझ पिझ्झासमोर पेरू विकत होते. त्यावेळी मयूरने त्यांच्याकडे कमी किमतीत पेरू मागितले. मात्र, दर परवडत नसल्याने त्यांनी मयूरला पेरू देण्यास नकार दिला. त्याचा राग आल्यामुळे मयूरने प्रशांतच्या पोटावर पाठीवर, मांडीवर चाकूने वार करून गंभीर जखमी केले. सहायक पोलिस निरीक्षक गजानन जाधव या प्रकरणाचा पुढील तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.