पुणे : आंबिल ओढा येथील (Ambil Odha Pune) घरांवर पुणे महापालिकेने (Pune Municipal corporation) केलेल्या अतिक्रमण कारवाईवरुन, राष्ट्रवादीच्या (NCP) खासदार सुप्रिया सुळे (Supriya Sule) यांनी पुण्याचे महापौर मुरलीधर(Mayor Murlidhar Mohol) मोहोळ यांच्यावर टीका केली होती .''पुण्याच्या महापौरांना झेपत नसेल तर त्यांनी राजीनामा द्यावा'' असे वक्तव्य त्यांनी केले होते. यावर ''सुप्रिया सुळे यांनी हे वक्तव्य लक्ष वळविण्यासाठी केलंय'' अशी प्रतिक्रिया महापौर मुरलीधर मोहोळ यांनी केली आहे.

दरम्यान सुप्रिया सुळे यांनी महापौरांवर केलेल्या टीकेबाबात बोलतना, ''अजित दादांनी कोरोनाच्या काळात आम्ही किती चांगलं काम केलंय, याचं कौतुक केलंय. ताई दादांच्या मताशी सहमत नाही का ? असा प्रश्नही महापौरांनी यावेळी केला आहे.

''आंबिल ओढ्याच्या कारवाईमागे प्रशासनावर कुणी दबाव टाकला हे आता समोर आलंय. प्रशासनाला आम्ही विचारणा केलीय की, ही कारवाई का केली? आंबील ओढ्याच्या नागरिकांना आता हे कळलं आहे हे कुणी केलंय पण, आम्ही त्या नागरिकांच्या पुनर्वसनासाठी पूर्ण प्रयत्न करणार आहोत'' असे महापौर मोहोळ यांनी यावेळी सांगितले.

आंबिल ओढा नाल्यात अतिक्रमण केलेल्या झोपड्या हटविण्यासाठी गेलेल्या महापालिकेच्या अतिक्रमण पथकाला रहिवाशांनी गुरुवारी मोठ्या प्रमाणात विरोध केला. पथकातील कर्मचाऱ्यांना नागरीकांनी धक्काबुक्की केल्याने काही काळ तणाव निर्माण झाला होता. मोठ्या प्रमाणावर पोलिस बंदोबस्त मागविल्यानंतर परिस्थिती निवळली. दरम्यान, स्थानिक रहिवाशांनी न्यायालयात दाद मागितल्याने न्यायालयासह राज्य सरकारने देखील कारवाईस स्थगिती दिली.