नारायणगाव: येथील सनसिटी को.ऑप.हौसिंग सोसायटीच्या देखभाल वर्गणी वरून दोन कुटुंबात झालेल्या हाणामारी प्रकरणी दोन्ही कुटुंबातील पाच जणांवर नारायणगाव पोलिसांनी गुन्हा दाखल केला आहे. यापैकी एका आरोपीला अटक केली आहे. अशी माहिती सहायक पोलिस निरीक्षक विलास देशपांडे यांनी दिली.
याप्रकरणी सनसिटी को ऑप.हौसिंग सोसायटीत राहणारे राजेंद्र बबन भोर, ऋषिकेश राजेंद्र भोर, लता राजेंद्र भोर व नीलेश रोहिदास सरोदे, चैत्राली निलेश सरोदे यांच्यावर गुन्हा दाखल केला आहे. यापैकी राजेंद्र भोर याला अटक केली आहे. याबाबत देशपांडे म्हणाले नीलेश सरोदे हे सनसिटी को ऑप.हौसिंग सोसायटीचे पदाधिकारी आहेत.
राजेंद्र भोर हे सोसायटीची देखभाल वर्गणी(मेंटेनन्स) देत नाहीत. या बाबतची चर्चा सरोदे हे अन्य व्यक्ती सोबत करत होते. यावरून भोर व सरोदे कुटुंबात झालेल्या बाचाबाचीतुन तुफान हाणामारी झाली. एकमेकांना पाइप व काठीने मारहाण करण्यात आली. या बाबत नारायणगाव पोलीस ठाण्यात परस्परविरोधी तक्रार दाखल करण्यात आली होती. यावरून पोलिसांनी दोन्ही कुटुंबातील पाच जणांवर गुन्हा दाखल केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.