पुणे - लाइफ सेव्हिंग फाउंडेशन, नवचैतन्य हास्ययोग परिवार आणि पुणे पोलिसांच्या वाहतूक विभागाच्या वतीने ‘नो हाँकिंग डे’ उपक्रमाचे आयोजन करण्यात आले होते. ‘नो हाँकिंग’ अर्थात एक दिवस हॉर्नला पूर्ण विश्रांती अशी ही संकल्पना आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

पोलिस वाहतूक विभागाचे उपायुक्त राहुल श्रीरामे, लाइफ सेव्हिंग फाउंडेशनचे देवेंद्र पाठक, नवचैतन्य हास्ययोग परिवाराचे मकरंद टिल्लू, प्रा. पद्माकर पुंडे, नगरसेविका माधुरी सहस्रबुद्धे, दिलीप हल्याळ, पोपटलाल शिंगवी, प्रमोद ढेपे, साई पॅकेजिंगचे शंतनू प्रभुणे आदी उपस्थित होते. या वेळी नागरिकांनी ‘एक, दोन, तीन, चार... नो हॉर्न बार बार...’, ‘एकत्र येऊया ध्वनी प्रदूषण कमी करुया’ अशा घोषणा दिल्या.

Coronavirus: पुणे जिल्ह्यात कोरोना आटोक्यात; मृत्यूचे प्रमाणही आले निम्म्यावर

मकरंद टिल्लू म्हणाले, ‘रुग्णालय, महाविद्यालय अशा ठिकाणी हॉर्न न वाजविण्यासाठी फलक लावण्यात येतात. मात्र तरीही या परिसरामध्ये हॉर्न वाजविला जातो. या समस्येला गांभीर्याने घेण्याचे आवाहन करण्यासाठी हा उपक्रम राबविण्यात आला.’

कायदा कोमात अन् पंच मंडळी जोमात;आजही चालविली जातेय पर्यायी न्यायव्यवस्था

शहरातील बहुतांशी नागरिकांना अनावश्‍यक हॉर्नमुळे बऱ्याचशा दुष्परिणामांना सामोरे जावे लागते. त्यामुळे अनावश्‍यक हॉर्न वाजवू नये.
- राहुल श्रीरामे, उपायुक्त, वाहतूक पोलिस, पुणे

Edited By - Prashant Patil