पुणे : विद्यार्थी वाहतूक करणाऱ्या बसचालकाने शालेय विद्यार्थिनीवर बलात्कार केल्याची धक्कादायक घटना उघडकीस आली आहे. या प्रकरणी कोंढवा पोलिसांनी बसचालकाला अटक केली. सोमेश्वर घुले पाटील (वय ३५, रा. वडाची वाडी, उंड्री) असे अटक केलेल्या बस चालकाचे नाव आहे. याप्रकरणी एका १५ वर्षीय मुलीने कोंढवा पोलिस ठाण्यात फिर्याद दिली आहे. आरोपी सोमेश्वर विद्यार्थी वाहतूक करतो. त्यामुळे त्याची संबंधित मुलीशी ओळख झाली होती. सोमेश्वरने तिला आमिष दाखविले मुलगी सज्ञान नसल्याचा गैरफायदा घेत चार दिवसांपूर्वी तिच्यावर बलात्कार केला.

(Pune Crime News)

मुलगी शाळेतून घरी उशिरा आली, त्यावेळी तिच्या आई - वडिलांनी तिची चौकशी केली. तेव्हा बसचालकाने तिला आमिष दाखवून बलात्कार केल्याचा प्रकार उघडकीस आला. त्यानंतर तिच्या पालकांनी पोलिसांकडे धाव घेत फिर्याद दिली. पीडीत मुलीची वैद्यकीय तपासणी करण्यात आली. तेव्हा तिच्यावर बलात्कार करण्यात आल्याचे निष्पन्न झाले. या घटनेची पोलिसांनी गांभीर्याने दखल घेऊन सोमेश्वरला अटक केली. या प्रकरणाचा तपास कोंढवा पोलिस करीत आहेत.