पुणे : काम उरकून घरी जाणाऱ्या रिक्षाचालकास तिघांनी अडवून कोयत्याचा धाक दाखवित त्याच्याकडील रोख रकमेसह रिक्षा चोरुन नेली. ही घटना मंगळवारी रात्री पावणे नऊ वाजता लष्कर परिसरातील सोलापुर बाजार भागात घडली. 

ताज्या बातम्यांसाठी डाऊनलोड करा ई-सकाळचे ऍप

याप्रकरणी लतिफ काझी (वय 25, रा. साईबाबा नगर, कोंढवा) यांनी लष्कर पोलिस ठाण्यात फिर्याद दिली. त्यावरुन आरोपींविरुद्ध गुन्हा दाखल करण्यात आला. फिर्यादी काझी हे रिक्षाचालक आहेत.

कोण आहेत न्या. मुरलीधर? ज्यांची रातोरात बदली झाली?

मंगळवारी काम उरकल्यानंतर ते रात्री सोलापुर बाजार येथून त्यांची रिक्षा घेऊन जात होते. त्यावेळी त्यांना तिघांनी अडविले. त्यांना शिवीगाळ करीत जबरदस्तीने त्यांच्या खिशातील रोख रक्कम काढून घेण्याचा प्रयत्न केला. त्यास काझी यांनी विरोध केल्यानंतर त्यांना रिक्षातुन बाहेर ओढून कोयत्याचा धाक दाखवून मारहाण करण्यात आली. त्यानंतर त्यांच्याकडील रोख रक्कम व रिक्षा चोरट्यांनी चोरुन नेली. या प्रकरणाचा तपास सहायक पोलिस निरीक्षक एम.व्ही. राऊत करीत आहेत.