पुण्यातील शरद पवार गटाच्या कार्यालयावरील घड्याळ हे चिन्ह हटवण्यात आलं आहे. काल(मंगळवारी) निवडणूक आयोगाने घड्याळ हे पक्षचिन्ह आणि राष्ट्रवादी हे पक्षाचे नाव अजित पवार गटाला दिलं आहे. त्यानंतर आता शरद पवार गटाच्या कार्यालयावरील घड्याळ हे चिन्ह हटवलं आहे.

निवडणूक आयोगाच्या निर्णयानंतर आता शरद पवार गटाने त्यांच्या कार्यालयावरील घड्याळ हे चिन्ह हटवलं आहे, त्यामुळे आता पुण्यातील हे ऑफीस शरद पवार गटाचं आधिकृत ऑफीस झालं आहे. आज शरद पवार गटाने काही नवीन नावे आणि पक्ष चिन्हे निवडणूक आयोगाकडे सादर केली. त्यानंतर निवडणूक आयोगानं शरद पवारांना 'नॅशनलिस्ट काँग्रेस पार्टी - शरदचंद्र पवार' असं नवं नाव दिलं आहे.

पुण्यातील शरद पवार गटाच्या कार्यालयावरील घड्याळ हे चिन्ह काढले आहे. '२४ वर्ष आमचा पक्ष हा राष्ट्रवादी काँग्रेस नावाने रजिस्टर होता. NCP हे नाव आम्ही वापरत होतो ते नाव आज खऱ्या अर्थाने मिळालं. शरद पवारांचं नाव यात आहे. आम्ही यामुळे समाधानी आहोत', असं यावेळी प्रशांत जगताप यांनी म्हटलं आहे. तर कार्यकर्त्यांनी शरद पवारांच्या नावाने घोषणा दिल्या आहेत.

त्याचबरोबर पक्षाचे नाव हे काळ्या कापडाने झाकण्यात आले आहे. यावेळी पुण्याच्या कार्यालयाबाहेर कार्यकर्ते जमले होते. त्यांनी शरद पवार यांच्या नावाच्या घोषणा दिल्या आहेत. त्याचबरोबर हे नाव काळ्या कापडाने झाकल्यानंतर आणि घड्याळ चिन्ह काढल्यानंतर कार्यकर्ते भावूक झाल्याचे दिसून आले.