पुणे : उद्धव ठाकरे आणि शिंदे गटात सुरू असलेल्या सत्तासंघर्षात ठाकेर गटाची बाजू भक्कमपणे लावून धरणाऱ्या नेत्या सुषमा अंधारे यांनी केलेल्या विधानमुळे सध्या खळबळ उडाली आहे. त्यांच्या विधानामुळे अंधारे यांच्या जीवाला धोका आहे का असा प्रश्न उपस्थित झाला आहे. त्यांनी माध्यमांशी बोलताना त्यांना पोलिसांनी बाहेर पडू नका असे सांगितल्याचे म्हटले आहे.

सुषमा अंधारे सांगितले की, माझी पाच वर्षाची लेक आहे, मला कालपासून काही थ्रेट जाणवतायत, काही इनपुट्स आलेत, ज्यामध्ये कळलं की बाहेर पडू नका, कोणी हल्ला करेल धक्काबुक्की करेल. विश्रांतवाडी पोलिस स्टोशनचे लोक, लोहगाव पोलिस स्टेशन कडून फोन आले की तुम्ही सुरक्षित आहात का? मला कळलं नाही की काय चाललंय, नंतर लक्षात आलं की त्यांच्याकडे काही इनपुट्स आहेत.

अंधारे म्हणाल्या की, मला काय चिंता आहे की माझ्याकडे पाच वर्षाचं बाळ आहे, म्हणून मी जाहीर सांगितलं की मी शिवसेनेला माझं बाळ दत्तक दिलं जेवढे शिवसैनिक आहेत ते मामा म्हणून बाळाला सांभाळतील, पक्षप्रमुख उध्दव ठाकरे त्या बाळाचे कुटुंबप्रमुख असतील असे अंधारे यांनी सांगितले.