पिंपरी : आईला त्रास देत असल्याने मुलाने वडिलांना लाकडी दांडक्याने मारहाण केली. या मारहाणीत वडिलांचा मृत्यू झाला. याप्रकरणी मुलावर खुनाचा गुन्हा दाखल करून त्याला अटक केली आहे. ही घटना देहूगाव येथील विठ्ठलवाडी येथे घडली. 

ताज्या बातम्यांसाठी डाऊनलोड करा ई-सकाळचे ऍप

संतोष विठ्ठल येळवंडे (वय 47, रा. विठ्ठलवाडी, देहूगाव) असे खून झालेल्या वडिलांचे नाव आहे. त्यांचा मुलगा विराज  (वय 20) याला देहूरोड पोलिसांनी अटक केली आहे. याप्रकरणी आई कविता येळवंडे यांनी फिर्याद दिली आहे.

पुणे रेल्वे स्टेशनवरून कोणत्या गाड्या केल्या रद्द? का?

रविवारी (ता. 16) रात्री साडे दहाच्या सुमारास संतोष हे दारू पिऊन पत्नी कविता यांना मारहाण करीत होते. आईला मारहाण करीत असल्याने मुलगा विराज याने वडिलांना लाकडी दांडक्याने मारहाण केली. यामध्ये संतोष गंभीर जखमी झाले. उपचारासाठी त्यांना पिंपरीतील यशवंतराव चव्हाण स्मृती रुग्णालयात दाखल करण्यात आले. मात्र, उपचारापूर्वीच त्यांना मृत घोषित करण्यात आले. देहूरोड पोलिस अधिक तपास करीत आहेत.

प्रवाशांची अडवणूक न करता खेड-शिवापूर टोल नाक्यावर झाले आंदोलन