प्रवाशांची अडवणूक न करता खेड-शिवापूर टोल नाक्यावर झाले आंदोलन

नसरापूर - खेड-शिवापूर टोल नाका आंदोलनादरम्यान कोणत्याही प्रवाशांना वेठीस न धरता आंदोलन केल्याने प्रवाशांनी समाधान व्यक्त केले. टोल नाका हटाव कृती समितीच्या वतीने पुकारलेल्या या आंदोलनाची जोरदार चर्चा झाली होती. प्रशासनाने देखील गंभीर दखल घेत मोठा फौजफाटा महामार्गावर बंदोबस्त ठेवला होता. 

ताज्या बातम्यांसाठी डाऊनलोड करा ई-सकाळचे ऍप

या आंदोलनात पुढील निर्णय होईपर्यंत भोर, वेल्हे, मुळशी, पुरंदर, हवेली तालुक्‍यांतील सर्व वाहनांना मोफत सोडले जाईल, असा निर्णय झालेला असतानादेखील आंदोलन स्थगितीनंतर अर्ध्या तासातच टोल नाक्‍याची पाहणी केली असता, सर्वच वाहनांकडून टोलवसुली केली जात असल्याचे निदर्शनास आले.

पुणे - डझनभर मार्गांवर मेट्रो

या बाबत बातमीदारांनी फोटो व चित्रीकरण केले. या वेळी येथील स्थानिक कार्यकर्त्यांनी टोल नाक्‍यावर थांबून वसूल केलेला टोल वाहन चालकांना परत देण्यास कर्मचाऱ्यांना भाग पाडले. या बाबत रिलायन्स इन्फ्राचे अमित भाटिया यांच्याशी या बाबत संपर्क साधला असता ते म्हणाले, ‘‘झालेल्या निर्णयाची टोल कर्मचाऱ्यांना अधिकृत माहिती देण्यास वेळ लागला. तसेच, वरील तालुक्‍यातील व्यावसायिक वाहनांना मात्र टोल द्यावाच लागेल.’