पुणे - पुणे पोलिसांचे काम उत्कृष्ट आहे. विशेषतः ‘भरोसा सेल’ व ‘सेवा’ या उपक्रमांचा नागरिकांना सर्वाधिक फायदा होत आहे. त्यामुळे हे दोन्ही उपक्रम राज्यभर राबवावेत, अशी मागणी राज्याचे गृहमंत्री अनिल देशमुख यांच्याकडे करणार आहे, असे खासदार सुप्रिया सुळे यांनी सांगितले.

ताज्या बातम्यांसाठी डाऊनलोड करा ई-सकाळचे ऍप

‘भरोसा सेल’ व ‘सेवा’ या दोन्ही उपक्रमांची माहिती घेण्यासाठी खासदार सुळे पोलिस आयुक्तालयात आल्या होत्या. या वेळी पोलिस आयुक्त डॉ. के. वेंकटेशम, पोलिस सहआयुक्त डॉ. रवींद्र शिसवे, अपर पोलिस आयुक्त (गुन्हे) अशोक मोराळे, पोलिस उपायुक्त बच्चन सिंह, स्वप्ना गोरे, संभाजी कदम आदी उपस्थित होते.

नोबेल हॉस्पिटल उडविण्याची धमकी देण्यामागे 'हे' आहे कारण

‘सेवा’ उपक्रम सुरू झाल्यापासून आत्तापर्यंत दोन लाख ३४ हजार ५४३ नागरिकांनी पोलिस ठाण्यांना भेटी दिल्या. त्यापैकी एक लाख ९९ हजार ९८ जणांशी आत्तापर्यंत संपर्क साधून त्यांचा प्रतिसाद घेण्यात आला. दरम्यान, खासदार सुळे यांनी दोन लाख क्रमांकाचा कॉल उदय माने यांना केला. त्यांनी पोलिसांनी त्यांचा गुन्हा दाखल केला असून, सध्या तपास सुरू असल्याचे सांगितले.