पुणे - ‘कोरोना विषाणूंच्या संदर्भातील प्रादुर्भाव किंवा संशयित नमुन्यांची वैद्यकीय चाचणी व तपासणी लष्करी वैद्यकीय सेवेच्या दहा प्रयोगशाळांमध्ये केली जाणार आहे. चीनमधून आलेल्या भारतीय नागरिकांची जागतिक आरोग्य संघटनेने दिलेल्या निर्देशानुसार तपासणी केली जात आहे,’’ अशी माहिती लष्करी वैद्यकीय सेवेचे (एएफएमएस) महासंचालक लेफ्टनंट जनरल अनुप बॅनर्जी यांनी दिली.
पुण्यातील लष्करी महाविद्यालयात गुरुवारी (ता. ६) वार्षिक लष्करी वैद्यकीय परिषद आयोजित केली होती. महाविद्यालयाचे प्रमुख लेफ्टनंट जनरल नरदीप नैथानी, अधिष्ठाता मेजर जनरल आर. एम. गुप्ता उपस्थित होते.
बॅनर्जी म्हणाले, ‘‘कोरोना विषाणू संदर्भातील नमुन्यांची चाचणी केल्यानंतर त्याचा अहवाल संबंधित रुग्णालयांना देऊन पुढील उपचारावर भर दिला जाईल. यासाठी एम्स, एनआयबीएम सारख्या संस्थांची मदत घेतली जाईल. सध्या लष्कराकडूनही खबरदारी घेतली आहे. यासाठी हरियानाच्या मानेसरजवळ विशेष विभागाची सुविधा दिली आहे.’’
लष्कराच्या तिन्ही दलांच्या वैद्यकीय सेवा ‘टेलिमेडिसीन’सारख्या पद्धतीचा वापर करत आहेत. ज्या जवानांना वेळेत उपचारासाठी रुग्णालयामध्ये जाता येत नाही. तेव्हा टेलिमेडिसीन हा उत्तम पर्याय असतो. ईशान्य भारतात सुमारे ६० अशा रुग्णालयाच्या साह्याने ही उपचार प्रणाली वापरली जात आहे. एएफएमएसीच्या वैद्यकीय विद्यार्थ्यांना शैक्षणिक उत्कृष्टतेसाठी आणि संशोधन पत्रांना पुरस्कार दिले जाणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.