जुन्नर, ता. ९ : जुन्नर तालुक्यातील बिगर अनुसूचित क्षेत्रामधील ९७ ग्रामपंचायतीच्या १३ जून २०२५ ते १२ जून २०३० या कालावधीसाठी ग्रामपंचायत निहाय सरपंचपदाच्या आरक्षणाची सोडत शुक्रवारी (ता. ११) काढण्यात येणार आहे, अशी माहिती तहसीलदार डॉ. सुनील शेळके यांनी दिली. जिल्हाधिकारी यांच्याकडील पत्रानुसार तालुक्यातील बिगर अनुसूचित क्षेत्रामधील ग्रामपंचायतीच्या सरपंचपदाचे आरक्षण अनुसूचित जाती, अनुसूचित जमाती, नागरिकांचा मागास प्रवर्ग व महिलांसाठी काढण्यात येणार आहे. जुन्नर तालुका पंचायत समितीच्या राजमाता जिजाऊ सभागृहात सरपंच पदाच्या काढण्यात येणाऱ्या सोडतीसाठी इच्छुकांनी उपस्थित राहावे असे कळविण्यात आले आहे.