कुरकुंभ - दौंड तालुक्यातील मळद गावच्या हद्दीत मंगळवारी (ता. 5) सकाळी साडेअकराच्या सुमारास पुणे - सोलापूर राष्ट्रीय महामार्गालगतच्या ऊसाच्या शेतामध्ये एका तरूणाने अल्पवयीन मुलीच्या गळ्यावर धारदार ब्लेडने वार केल्याने तरूणी गंभीर जखमी झाली. सुदैवाने ही तरूणी बचावली आहे. हल्ला केलेल्या तरूणाला पोलिसांनी अटक केली आहे.
पोलिसांनी दिलेल्या माहितीनुसार पिरंगुट मुळशी पुणे येथील औद्योगिक वसाहतीतील कुकर हँडल कंपनीतील कामगार राहुल श्रीशैल निरजे (वय 27, मूळ गाव रा. पंचवर्णवाडी खटाव, ता. मिरज, जि. सांगली) याने ससाणेनगर हडपसर येथील एका खाजगी शाळेत बारावीत शिकणाऱ्या सतरा वर्षीय तरूणीला दुचाकीवरून एमएच. 10, डीएस 2710 ) पुणे सोलापूर महामार्गावरून मळद येथे घेऊन गेला.
या तरूणाने तरूणीला महामार्गालगतच्या ऊसाच्या शेतात नेहून तिच्या गळ्यावर धारदार ब्लेडने वार केले. चेहरा व गळ्यावर वार झाल्याने तरूणी रक्तबंबाळ झाली होती. या जखमी तरूणीला उपचारासाठी दौंड येथील खासगी रूग्णालयात दाखल करण्यात आले आहे. जखमी तरूणी सध्या ससाणेनगर हडपसर परिसरात राहतं असून मूळ गाव सोलापूर जिल्ह्य़ातील आहे. सदरची घटना काही तरूण व ग्रामस्थांनी लांब अंतरावरून पाहिल्यानंतर त्यांनी हल्ला केलेल्या राहुल निरजे या तरूणाला पाठलाग करून पकडून पोलिसांच्या ताब्यात दिले. याबाबत गुन्हा दाखल करण्याचे काम चालू असल्याची माहिती पोलिसांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.