रहिमतपूर (सातारा) : रहिमतपूर विविध कार्यकारी सहकारी सेवा सोसायटीच्या (Rahimatpur Co-operative Services Society) निवडणुकीत सुनील माने यांच्या नेतृत्वाखालील सहकार पॅनेलने सर्वच १३ जागांवर विजय मिळवून प्रथमच आपले निर्विवाद वर्चस्व प्रस्थापित केले. विरोधी संस्थापक शेतकरी पॅनेलला एकही जागा जिंकता आली नाही.

सहकार पॅनेलचे नेतृत्व राष्ट्रवादीचे जिल्हाध्यक्ष सुनील माने (Sunil Mane), पंचक्रोशी शिक्षण मंडळाच्या अध्यक्षा चित्रलेखा माने-कदम, माजी नगराध्यक्ष वासुदेव माने, सह्याद्री सहकारी साखर कारखाना संचालक अविनाश माने, माजी संचालक नंदकुमार माने, शिवसेना तालुकाध्यक्ष किरण भोसले यांनी केले. विजयानंतर गावात फटाक्यांची आतषबाजी व गुलालाची उधळण करून विजयी उमेदवारांचा विजय साजरा केला गेला.

सहकार पॅनेलचे विजयी उमेदवार व त्यांना मिळालेली मते पुढीलप्रमाणे : दिलीप खंडू पवार ८८३, सतीश भोसले ८९९, लहूराज यशवंत माने ८७८, विकास गणपती माने ९४१, विक्रम व्यंकटेश माने ९८१, शिवदास दिनकर माने ९६५, शिवाजी बाबूराव माने ९२५, शेखर चंद्रकांत माने ९१२, अनिल बापूराव जाधव १०२१, गोरख गायकवाड १०१२, रघुनाथ ज्ञानदेव शेरकर ९९९, शुभांगी अशोक माने ९८५, सुलोचना आनंदराव माने ९७०.