पाटण : सगळ भाष्य करायच अन मग म्हणायच भाष्य करणार नाही.शरद पवारांची छान पध्दत आहे. पण त्यांनी ते भाष्य कराव कारण मोदीचं जीवन खुल्या पुस्तकाप्रमाण आहे. जे मोदीवर बोलतील त्याच्यावरच त्यांचे भाष्य उलटल्याशिवाय राहणार नाही असा विश्वास उपमुख्यमंत्री देवेंद्र फडणवीस यांनी व्यक्त केला.

सातारा लोकसभा मतदारसंघाचे महायुतीचे उमेदवार खासदार उदयनराजे भोसले यांच्या प्रचारासाठी उपमुख्यमंत्री फडणवीस आज शनिवारी पाटण येथे आले होते त्यादरम्यान त्यांनी माध्यमांशी संवाद साधला.

शंभूराजे देसाई, अण्णासाहेब पाटील आर्थिक विकास महामंडळाचे अध्यक्ष नरेंद्र पाटील व मान्यवर उपस्थित होते. खासदार शरद पवार यांनी पंतप्रधान मोदींच्या कुटुंबाविषयी मला सगळं माहित आहे. परंतु मी त्यावर भाष्य करून मी माझी पातळी सोडणार नाही असे वक्तव्य केले आहे त्यावर उपमुख्यमंत्री फडणवीस म्हणाले,

सगळ भाष्य करायच अन मग म्हणायच भाष्य करणार नाही.शरद पवारांची छान पध्दत आहे. पण त्यांनी ते भाष्य कराव कारण मोदीचं जीवन खुल्या पुस्तकाप्रमाण आहे. जे मोदीवर बोलतील त्याच्यावरच त्यांचे भाष्य उलटल्याशिवाय राहणार नाही.

मुख्यमंत्री एकनाथ शिंदे यांच्या गटाकडून उपमुख्यमंत्री देवेंद्र फडणवीस यांनी टीका केलेल्या यामिनी जाधव यांना दक्षिण मुंबईतून उमेदवारी देण्यात आली आहे.या प्रश्नावर उपमुख्यमंत्री देवेंद्र फडणवीस यांनी यामिनी जाधव यांच्यावर भ्रष्टाचाराचा आरोप होत असला तरी कोरोना काळातील भ्रष्टाचाराचा बोलवता धनी कोण आहे? हे लवकरच आम्ही समोर आणणार आहोत असा इशारा यावेळी दिला.

खासदार उदयनराजे यांचा विजय निश्चित

महायुतीचे उमेदवार छत्रपती उदयनराजे भोसले यांच्या पाटण येथील सभेनंतर उपमुख्यमंत्री देवेंद्र फडणवीस यांनी माध्यमांशी संवाद साधला. उदयनराजेंचा विजय निश्चित असल्याचे म्हटले आहे.संपूर्ण सातारा महायुती आणि उदयनराजेंच्या पाठीशी असून साताऱ्यात 6 पैकी 4 आमदार महायुतीचे असल्याने उदयनराजेंचा विजय निश्चित आहे.