कऱ्हाड (ता. सातारा) : महाविकास आघाडीतील तिन्ही पक्षांच्या एकीमुळेच विजय झाला आहे. शिक्षकांनी त्यांचा प्रतिनिधी म्हणून संधी दिली आहे. त्यांचा विश्वास कामातून आगामी काळात सार्थ ठरविणार, असे आश्वासन पुणे विभाग शिक्षक मतदारसंघाचे आमदार प्रा. जयंत आसगावकर यांनी व्यक्त केले. 

आमदार प्रा. आसगावकर यांनी माजी मुख्यमंत्री आमदार पृथ्वीराज चव्हाण यांच्या निवासस्थानी येऊन त्यांची भेट घेतली. (कै. ) प्रेमिलाकाकी चव्हाण, (कै.) दाजीसाहेब चव्हाण यांच्या प्रतिमेला पुष्पहार अर्पण करून अभिवादन केले. या वेळी सत्त्वशीला चव्हाण, युवक कॉंग्रेसचे प्रदेश उपाध्यक्ष शिवराज मोरे, पंचायत समिती सदस्य उत्तमराव पाटील, इंद्रजित चव्हाण, राहुल चव्हाण, कॉंग्रेसचे शहराध्यक्ष राजेंद्र ऊर्फ आप्पा माने, नगरसेवक इंद्रजित गुजर, जिल्हा परिषद सदस्य निवासराव थोरात, जिल्हा कॉंग्रेस सरचिटणीस राजेंद्र चव्हाण, तानाजी चौरे, मलकापूर शहर कॉंग्रेस अध्यक्ष राजेंद्र यादव, प्रा. धनाजी काटकर अल्पसंख्याक जिल्हा कॉंग्रेस अध्यक्ष झाकीर पठाण, राष्ट्रवादी कॉंग्रेस शहराध्यक्ष नंदकुमार बटाणे, प्रदीप जाधव, अशोकराव पाटील, उत्तर युवक कॉंग्रेस अध्यक्ष अमित जाधव, दक्षिण युवक कॉंग्रेस अध्यक्ष वैभव थोरात उपस्थित होते. 

कुडाळ ग्रामपंचायतीसाठी धुमशान पेटणार; जावळी तालुक्‍यात उत्सुकता

या वेळी आमदार प्रा. आसगावकर म्हणाले, ""महाविकास आघाडीतील तिन्ही पक्षाच्या ऐकीचा हा विजय आहे. शिक्षक मतदारांनी त्यांचा प्रतिनिधी म्हणून संधी दिली आहे. त्यांचा विश्वास माझ्या कामातून आगामी काळात सार्थ ठरविणार आहे. महाविकास आघाडीतील ज्येष्ठ नेत्यांच्या मार्गदर्शनाने शिक्षकांचे प्रश्न सोडविण्यासाठी प्रयत्नशील राहीन.'' 

संपादन : बाळकृष्ण मधाळे