सातारा : छत्रपती शिवाजी महाराज यांची जयंती येत्या 19 फेब्रुवारीस साध्यापणाने साजरी करण्यासाठी शिवजयंती मंडळांनी प्रयत्न करावेत. त्यासाठी राज्य शासनाने काही निर्बंध देखील घातले आहेत. यामुळे राज्यात शिवप्रेमींमधून संतापाची लाट उसळली आहे. हे निर्बंध मागे घ्यावेत अशी मागणी हाेत आहे.

दरम्यान खासदार उदयनराजे भाेसले यांनी आज (रविवार) कास धरणाच्या भिंतीचे सुरु असलेल्या कामाचा आढावा घेतला. त्यानंतर साता-यात विविध विकास कामांचा आढावा घेतला. त्यानंतर पत्रकारांनी उदयनराजेंना राज्य शासनाने कोरोना संसर्गाच्या पार्श्वभूमीवर शिवजयंती उत्सवावर निर्बंध घातले आहेत. त्यामुळे शिवप्रेमींमधून संताप व्यक्त केला जात असून हे निर्बंध मागे घेण्यात यावे, अशी मागणी हाेत असल्याचे सांगितले. 

त्यावर उदयनराजे म्हणाले, संकटकाळात छत्रपती शिवाजी महाराज यांनी जनतेचा जीव धाेक्यात घातला असता का ? असा प्रतिप्रश्न केला. काेराेनामुळे अनेकांना जवळचे नातेवाईक गमवावे लागले. आपल्या सर्वांची जबाबदारी आहे एकमेकांची काळजी घेण्याची. छत्रपती शिवाजी महाराजांनीही सर्वांना जपण्याची भुमिका बजावली हीच भुमिका आपल्याला बजावावी लागणार आहे. शिवजयंती साजरी झालीच पाहिजे पण काळजी घेऊनच असेही उदयनराजेंनी नमूद केले.

छत्रपती शिवाजी महाराज जयंती साजरी करण्याबाबतच्या सरकारने जारी केलेल्या अधिकृत मार्गदर्शक सूचना

Exclusive: शिवजयंतीला गडावर लावणार हिरव्या मशाली; सयाजी शिंदेंचा निर्धार

शिवजयंतीवर निर्बंध! शिवसेनेचे पुन्हा लोटांगण; भाजपची घणाघाती टीका

अमिर खानावर कारवाई केलेले हवालदार संजय साबळे पुन्हा चर्चेत

'शिवेंद्रसिंहराजे कधीही कुणाच्या नादाला लागत नाहीत, लागलेच तर त्याचा नाद संपवल्याशिवाय गप्प बसत नाहीत'