Auto Tips : सुमारे तीन दशकांपूर्वी सिएरा कार लाँच झाली तेव्हा रतन टाटा यांनी टाटा सन्सचे अध्यक्ष म्हणून कंपनीची सूत्रे हाती घेतली होती. साहजिकच कंपनीसाठी सिएराला खूप महत्त्व आहे. सिएरा कॉन्सेप्ट कार 2023 ऑटो एक्सपोमध्ये EV स्वरूपात प्रदर्शित करण्यात आली होती. ही कार 2024 च्या उत्तरार्धात किंवा 2025 च्या सुरुवातीला लाँच होण्याची शक्यता आहे.

याशिवाय सिएराचा पेट्रोल व्हेरियंट देखील उपलब्ध होण्याची अपेक्षा आहे. तुलनेत, मूळ टाटा सिएरा फक्त डिझेल पॉवरट्रेनसह ऑफर करण्यात आली होती. एका मुलाखतीत, टाटा मोटर्सचे ग्लोबल डिझाईनचे व्हीपी प्रमुख मार्टिन उहलारिच यांनी सिएरा कन्सेप्ट कशी विकसित केली गेली याबद्दल इंटरेस्टिंग माहिती शेअर केली.

रतन टाटा यांनी या कारसाठी दिलेल्या इनपुटबद्दल एक मनोरंजक कथा आहे, ज्यामध्ये त्यांनी मजबूत बी-पिलर आणि रॅप-अराउंड रियर विंडो ठेवण्यास सांगितले. ही केवळ एक अनौपचारिक टिप्पणी नव्हती तर सिएरामधील काही प्रमुख डिझाइनमध्ये रतन टाटांच्या सजेशनचा वापर करण्यात आला. सिएरा कॉन्सेप्टमध्ये त्यांच्या इनपुटने सिएराला अपेक्षित उंचीवर नेले. तीन दशकांपूर्वी एसयूव्हीच्या यशात योगदान देणाऱ्या रतन टाटा यांच्या सूचना नव्या कारला प्रचंड उपयोगी पडल्या.

सफारीचे यशस्वी लॉंचमुळे टाटांना सिएरा सारख्या इतर जुन्या मॉडेलला पुनरुज्जीवित करण्याच्या दृष्टीने आत्मविश्वास वाढ. टाटाला. त्यांच्या डिझाईन टीमने सध्याच्या पिढीला आवडेल असे आधुनिक प्रोफाइल तयार करताना मूळ सिएराचे मूळ सार कायम ठेवण्यावर लक्ष केंद्रित केले आहे