Ola Electric Scooter New Price : ई-स्कूटर बनवणाऱ्या भारतातील कंपन्यांपैकी एक अग्रगण्य नाव म्हणजे ओला. तुम्हीदेखील ई-स्कूटर घेण्याच्या विचारात असाल, तर कंपनीने एक चांगली संधी उपलब्ध करून दिली आहे. ओलाने आपल्या S1 स्कूटरच्या रेंजमध्ये तब्बल 25,000 रुपयांची सूट जाहीर केली आहे. या किंमती तातडीने लागू होणार असल्याचंही ओलाने स्पष्ट केलं.
ओलाने आपल्या गाड्यांच्या सुधारित किंमती देखील जाहीर केल्या आहेत. Ola S1X+ या मॉडेलची किंमत 1.09 लाखांवरुन 84,999 रुपये झाली आहे. Ola S1 Air मॉडेलची किंमत 1.19 लाखांवरुन 1.05 लाख रुपये झाली आहे. Ola S1 Pro या मॉडेलची किंमत 1.48 लाखांवरुन 1.30 लाख रुपये करण्यात आली आहे. या सर्व किंमती एक्स शोरूम आहेत. (Ola Scooter New price)
मीडिया रिपोर्टनुसार ओला आपल्या ग्राहकांना इतर फायनान्स ऑप्शन्स देखील देत आहे. यामध्ये झीरो डाऊन पेमेंट, नो-कॉस्ट ईएमआय, झीरो प्रोसेसिंग फी तसंच 7.99 टक्के एवढा व्याजदर अशा ऑफर्सचा समावेश आहे. ग्राहकांना इलेक्ट्रिक वाहनांकडे आकर्षित करणे, तसंच आवश्यक ती आर्थिक मदत उपलब्ध करणे हे कंपनीचे उद्दिष्ट आहे. (Ola Scooter Offers)
ओला आपल्या S1 Air आणि S1 Pro या स्कूटरच्या बॅटरीवर तब्बल 8 वर्षे/80,000 किलोमीटर वॉरंटी देत आहे. सोबतच, ग्राहक 5,000 रुपयांमध्ये एक लाख किलोमीटर, आणि 12,500 रुपये देऊन 1.25 लाख किलोमीटरची एक्स्टेंडेड वॉरंटी देखील मिळवू शकतात. (Ola Extended Warranty)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.