SUV Car Price : भारतात SUV कारची क्रेझ वाढतेच आहे. मात्र, काही लोक कमी बजेटमुळे एसयूव्ही कार घेण्याचा प्लॅन पुढे ढकलतात. समजा जर तुमचं बजेट 7 लाख रुपये आहे तर निराश होण्याची अजिबात गरज नाही कारण या बजेटमध्ये एकापेक्षा एक SUV कार उपलब्ध आहेत. 7 लाख रुपयांपेक्षा कमी किमतीची SUV खरेदी करताना तुम्हाला आम्ही दिलेल्या गाड्यांची लिस्ट नक्कीच उपयोगी पडेल.

Nissan Magnite : जपानी कंपनी Nissan Motor ने 8-इंच टचस्क्रीन इन्फोटेनमेंट सिस्टम, वायरलेस अँड्रॉइड ऑटो आणि Apple कार कनेक्ट, LED हेडलाइट आणि DRLs सह मॅग्नाइट एसयूव्ही रेंज मधील कार बाजारात आणली आहे. गाडीची एक्स-शोरूम किंमत 5.97 लाख रुपयांपासून सुरू होते.

Tata punch : टाटाच्या लोकप्रिय एसयूव्ही पंचमध्ये 7-इंच टचस्क्रीन उपलब्ध आहे. ही SUV 6 स्पीकर हरमन साउंड सिस्टीम आणि ऑटोमॅटिक क्लायमेट कंट्रोल सारखे फीचर्स देते. गाडीची एक्स-शोरूम किंमत रु. 5.99 लाख रुपयांपासून सुरू होते.

Mahindra KUV100 NXT : महिंद्राची आलिशान SUV 7 इंची टचस्क्रीन इन्फोटेनमेंट सिस्टीम, स्टीयरिंग माउंटेड ऑडिओ आणि कॉलिंग कंट्रोल्स यासारख्या फीचर्ससह येते. गाडीची एक्स-शोरूम किंमत 6.05 लाख रुपयांपासून सुरू होते.

Renault Triber : ही 8-इंच टचस्क्रीन इन्फोटेनमेंट सिस्टीम असलेली 7 सीटर कार आहे. डिजिटल LED इन्स्ट्रुमेंट क्लस्टरने सुसज्ज असलेल्या कारची एक्स-शोरूम किंमत 6.33 लाख रुपयांपासून सुरू होते.

Renault Kiger : 7 लाखांपेक्षा कमी किंमतीच्या एसयूव्हीसाठी रेनॉल्ट किगर हा एक चांगला ऑप्शन ठरते. गाडीची एक्स-शोरूम किंमत 6.64 लाख रुपयांपासून सुरू होते. फ्रेंच ऑटो कंपनीने या एसयूव्हीला मॅन्युअल आणि ऑटोमॅटिक ट्रान्समिशन दिले आहेत.