Travel In Europe : दक्षिण पूर्व युरोपातील सर्बिया हा देश आपल्या सौंदर्यासाठी ओळखला जातो. स्टार टेनिसपटू नोव्हाक जोकोविचही याच देशातून आला आहे. सर्बिया हंगेरी, रोमानिया आणि बल्गेरियाच्या सीमांना लागून आहे. अलीकडेच, सर्बिया सरकारने एक मोठा निर्णय घेतला आहे, ज्यामुळे भारतातील लोक निराश होऊ शकतात.

1 जानेवारी 2023 पासून भारतीय नागरिक सर्बियामध्ये व्हिसाशिवाय प्रवास करू शकत नाहीत. सर्बियन सरकारने याबाबत अधिकृत घोषणा केली आहे, ज्यामध्ये सर्व भारतीय प्रवाशांसाठी व्हिसा-मुक्त प्रवासावर बंदी घालण्यात आली आहे. यापूर्वी भारतीय नागरिक सर्बियामध्ये व्हिसाशिवाय ३० दिवस राहू शकत होते. मात्र आता भारतीय नागरिकांना सर्बियाला जाण्यासाठी स्वतंत्र व्हिसासाठी अर्ज करावा लागणार आहे.

तथापि, सध्या, वैध यूएस, यूके किंवा शेंजेन व्हिसा धारण केलेल्या भारतीय नागरिकाची मुदत 90 दिवसांसाठी वैध असेल. मात्र याला एक अपवाद आहे.  US, UK किंवा Schengen व्हिसा असलेले भारतीय पासपोर्ट धारक 90 दिवस ते 6 महिन्यांच्या कालावधीसाठी व्हिसाशिवाय सर्बियामध्ये येऊ शकतात.

भारताव्यतिरिक्त सर्बियाने ट्युनिशिया, बुरुंडी आणि गिनी-बिसाऊच्या नागरिकांसाठी व्हिसा-मुक्त प्रवासावर बंदी घातली आहे. 20 नोव्हेंबरपासूनच या देशांना सुधारित सूचना जारी करण्यात आल्या होत्या.