एखाद्या व्यक्तीने आपल्या आयुष्यात किती ध्येयवादी असावं? आपलं ध्येय पूर्ण करण्यासाठी अनेकजण रात्रंदिवस काम करत असतात. माणूस कितीही ध्येयवादी असला तरी आपल्या लग्नात दुसरे काम करणारा माणूस आपण पाहिला नसेल. पण सध्या सोशल मीडियावर एका तरूणीचा व्हिडिओ व्हायरल होत आहे.

हेही वाचा - अल्पमतातील निवाडे आणि सामान्य माणूस

व्हायरल होत असलेल्या व्हिडिओमध्ये एक तरूणी आपल्या लग्नाच्या दिवशी थेट कॉलेजमध्ये प्रॅक्टिकल द्यायला पोहचली आहे. अंगावर लग्नाची साडी, सोने नाणे अन् त्याच्यावर घातलेला लॅब कोट आणि टेथस्कोप. हे पाहून आपणही थक्क व्हाल. पण हो. ही तरूणी खरंच लग्नाच्या दिवशी चक्क प्रॅक्टिकलची परिक्षा देण्यासाठी आली आहे.

दरम्यान, हा व्हिडिओ केरळ येथील असल्याची माहिती आहे. या तरूणीचं नाव लक्ष्मी अनिल आहे. ती नवजीवन कॉलेज ऑफ फिजिओथेरपी, केरळची विद्यार्थीनी आहे. तीच्या प्रॅक्टिकल परिक्षेच्या दिवशी तिचे लग्न होतं. पण ती थेट लग्नाच्या मंडपातून कॉलेजमधून आल्याचं आपल्याला या व्हिडिओमध्ये दिसत आहे. तर हा व्हिडिओ अनेकांनी आपल्या सोशल मीडियावर शेअर केला आहे.

दरम्यान, सोशल मीडियावर व्हायरल झालेल्या या व्हिडिओला नेटकऱ्यांकडून चांगलीच पसंती मिळत असून अनेकांनी हा व्हिडिओ शेअर केलाय. या व्हिडिओवर अनेक नेटकऱ्यांनी आपल्या प्रतिक्रिया व्यक्त केल्या असून या व्हिडिओला लाईक केलं आहे. सोशल मीडियावर व्हायरल होणारे व्हिडिओ आपल्याला खूप काही शिकवून जात असतात.